"Aqmola oblysyndaǵy eki iri sý qoımasy orta eseppen 99%-ǵa toldy, eki nysan da tranzıttik rejımde jumys istep jatyr.
Aqtóbe oblysyndaǵy eki iri sý qoımasynyń sý jınaý kórsetkishi orta eseppen 95%-dy quraıdy. Nysandar shtattyq rejımde jumys isteýde, sý aǵynynyń azaıýy baıqalady.
Shyǵys Qazaqstan oblysyndaǵy bes iri sý qoımasynyń ortasha sý jınaý kórsetkishi – 62%, olardyń barlyǵy shtattyq kestege saı jumys istep jatyr.
Batys Qazaqstan oblysynda 4 iri sý qoımasy orta eseppen 59%-ǵa tolǵanjáne shtattyq rejımde jumys isteýde.
Qaraǵandy oblysynyń tórt iri sý qoımasy boıynsha sý jınaý kórsetkishi – 98%. Óńirde sý tasqyny kezeńi ótti.
Qostanaı oblysyndaǵy eki iri sý qoımasy orta eseppen 95%-ǵa toldy. Aımaqta sý tasqyny baıqalady.
Soltústik Qazaqstan oblysynyń eki iri sý qoımasy 100% toldy", - delingen mınıstrlik habarlamasynda.
Sý resýrstary jáne ırrıgaııa mınıstri Nurjan Nurjigitov Reseı sý resýrstary federaldy agenttiginiń basshysy Dmıtrıı Kırıllovpen apatqa qatysty telefon arqyly turaqty baılanysta ekenin málimdedi. Qos tarap gıdrotehnıkalyq nysandardyń apatsyz jumysyn qamtamasyz etý úshin eki eldiń shekaralas aımaqtaryndaǵy sý tasqyny jaǵdaıyn jiti baqylaýda ustap otyrǵany aıtyldy.
