Sý tasqynynan zardap shekken Orynbor turǵyndary prezıdent Vladımır Pýtınniń burynǵy kúzetshisi Aleksandr Kýrenkov basqaratyn Tótenshe jaǵdaılar mınıstrligin kózboıaýshylyq jasady dep aıyptaýda. Jergilikti bılik ókilderimen kezdesýde azamattar TJM-nen tıisti kómek ala almaǵandaryna narazy boldy, dep habarlaıdy “Adyrna” ulttyq portaly Astra saıtyna siltep.
Turǵyndardyń aıtýynsha, departament ókilderi tek teledıdardan «ádemi kórinis» kórsetý úshin sıýjetter túsirýmen ǵana aınalysady.
«Jeti kún uıyqtamadym, al TJM eshteńe istep jatqan joq. Otyryp alyp bálish jeýden basqa túk bitirmedi. Mine, teledıdarda olardyń jumys istep jatqanyn kórsetetin ádemi sýretter bar. Túk te istep jatqan joq! Halyqty ashyndyrmańdar. Biz bárińdi aıyrmen aıdap tozaqqa túsiremiz », - dedi zardap shekkenderdiń biri.
The Moscow Times buǵan deıin habarlaǵandaı, Tótenshe jaǵdaılar mınıstrliginde bir aı buryn Orynbor oblysynda kútiletin kúshti sý tasqyny týraly aqparat taraǵan bolatyn. Jaıyq ózenindegi sý deńgeıin rettep, Irıklınsk sý qoımasyndaǵy tasqyn sýlarǵa aldyn ala oryn bosatyp, tasqynnyń shyǵynyn azaıtýǵa múmkindik bolǵan. Alaıda, apattyń aldyn alý úshin esh shara qoldanylmaǵan.
Orynbor oblysynda sý tasqynynyń kúrdeli deńgeıi saqtalýda. Senbi kúni tańerteń Orynbor mańyndaǵy Jaıyq ózeni arnasynan asyp 12 213 turǵyn úı men 17 203 sharýashylyq telimin basyp qaldy. Sý tasqyny 5 sáýirde Orsk qalasynda bógettiń buzylýynan bastaldy. Alaıda Tótenshe jaǵdaılar mınıstrliginiń basshysy apat aımaǵyna Pýtınniń jeke buıryǵynan keıin 7-i kúni ǵana barǵan.
