"اقمولا وبلىسىنداعى ەكى ءىرى سۋ قويماسى ورتا ەسەپپەن 99%-عا تولدى، ەكى نىسان دا ترانزيتتىك رەجيمدە جۇمىس ىستەپ جاتىر.
اقتوبە وبلىسىنداعى ەكى ءىرى سۋ قويماسىنىڭ سۋ جيناۋ كورسەتكىشى ورتا ەسەپپەن 95%-دى قۇرايدى. نىساندار شتاتتىق رەجيمدە جۇمىس ىستەۋدە، سۋ اعىنىنىڭ ازايۋى بايقالادى.
شىعىس قازاقستان وبلىسىنداعى بەس ءىرى سۋ قويماسىنىڭ ورتاشا سۋ جيناۋ كورسەتكىشى – 62%، ولاردىڭ بارلىعى شتاتتىق كەستەگە ساي جۇمىس ىستەپ جاتىر.
باتىس قازاقستان وبلىسىندا 4 ءىرى سۋ قويماسى ورتا ەسەپپەن 59%-عا تولعانجانە شتاتتىق رەجيمدە جۇمىس ىستەۋدە.
قاراعاندى وبلىسىنىڭ ءتورت ءىرى سۋ قويماسى بويىنشا سۋ جيناۋ كورسەتكىشى – 98%. وڭىردە سۋ تاسقىنى كەزەڭى ءوتتى.
قوستاناي وبلىسىنداعى ەكى ءىرى سۋ قويماسى ورتا ەسەپپەن 95%-عا تولدى. ايماقتا سۋ تاسقىنى بايقالادى.
سولتۇستىك قازاقستان وبلىسىنىڭ ەكى ءىرى سۋ قويماسى 100% تولدى", - دەلىنگەن مينيسترلىك حابارلاماسىندا.
سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ رەسەي سۋ رەسۋرستارى فەدەرالدى اگەنتتىگىنىڭ باسشىسى دميتري كيريللوۆپەن اپاتقا قاتىستى تەلەفون ارقىلى تۇراقتى بايلانىستا ەكەنىن مالىمدەدى. قوس تاراپ گيدروتەحنيكالىق نىسانداردىڭ اپاتسىز جۇمىسىن قامتاماسىز ەتۋ ءۇشىن ەكى ەلدىڭ شەكارالاس ايماقتارىنداعى سۋ تاسقىنى جاعدايىن ءجىتى باقىلاۋدا ۇستاپ وتىرعانى ايتىلدى.
