Tótenshe jaǵdaılar departamenti 2024 jylǵy 5-7 shilde aralyǵyndaǵy qatty jaýyn-shashyn boljamyna baılanysty Almaty oblysynyń taýlarynda sý tasyp, sol mańdaǵy eldimekenderdi sý basý qaýpi baryn eskertedi, dep habarlaıdy “Adyrna” ulttyq portaly.
2024 jylǵy 04 shildedegi "Qazgıdromet" RMK-nyń daýyldy eskertýine sáıkes, 5-7 shilde aralyǵynda qatty jaýyn-shashyn boljamyna baılanysty Almaty oblysynyń taýly jáne taý bókterindegi aýdandarynda jáne Almaty qalasynyń irgeles aýmaqtarynda eńis aǵynynyń qalyptasýy jáne ózenderdegi sý deńgeıiniń kóterilýi kútiledi, bul rette sýdyń tasýy men sý basý qaýpi joǵary.
Sınoptıkter qaýipti belgilerden asqan kezde ózenderdiń jaıylma ýchaskelerinde ornalasqan eldimekenderdi, sharýashylyq qurylystar men jergilikti mańyzy bar joldardy sý basý qaýpi saqtalatynyn eskertedi.
