Memleket basşysy Qasym-Jomart Toqaev öŋırlerdı damytudyŋ ūlttyq jobasy aiasynda bes jyl ışınde halyqtyŋ 100 paiyzyn taza auyz sumen qamtamasyz etudı tapsyrǧan edı. Prezidenttıŋ būl pärmenı Almaty qalasynda būljytpai oryndalypta jatyr, dep habarlaidy "Adyrna" tılşısı.
Medeu audanyndaǧy Duman yqşamaudanynda sorǧy stansiiasy men kölemı 1800 tekşe metr bolatyn 2 rezervuar qaita jaŋǧyrtylyp jatyr. Jūmysty aǧymdaǧy jyldyŋ soŋyna deiın aiaqtau josparlanǧan.Būl turaly Almaty qalasynyŋ äkımı Erbolat Dosaev Medeu audany halqymen kezdesuınde aitty.
Megapolis basşysynyŋ aituynşa, aǧymdaǧy jyldyŋ qaraşa aiynda Iýbileinyi (265 abonent) yqşamaudanynda 1,2 km kanalizasiia jelılerın qaita jaŋǧyrtu, üş köşe (Gornaia köşesı, Baturin köşesı jäne Begalin köşesı,129 abonenttı qamtidy) boiynşa 1,4 km su qūbyry jelısınıŋ jūmystary aiaqtalady. Būl jūmystar Kokkinaki, Luganskii jäne Elebekov köşelerınde jalǧasyp, 2023 jyldyŋ II toqsanynda aiaqtalady.
Qala äkımı Keŋsai yqşamaudanynda su qūbyry jäne kanalizasiia jelılerın salu jobasy boiynşa konkurs ötkızılıp, merdıger anyqtalǧanyn aitty. Qūrylys-montaj jūmystarynyŋ bastaluy 2023 jyldyŋ köktemıne josparlanǧan.
"Kamenskoe plato yqşamaudanynda sumen jabdyqtau jäne su būru jelılerınıŋ joqtyǧyna qatysty mäselelerdı şeşu üşın zertteu jürgızıldı, onyŋ nätijelerı boiynşa qazırgı jobany qūrylys materialdarynyŋ qymbattauyna, sondai-aq tauly jerlerdıŋ kürdelı relefıne bailanysty su qūbyry jäne kanalizasiia jelılerın salu boiynşa tüzetuge jıberu turaly şeşım qabyldandy. Qūrylysty 2023 jyldyŋ köktemınde bastaudy josparlap otyrmyz", - dep mälımdedı Dosaev.Onyŋ aituynşa, su közımen qamtamasyz etu üşın Mūztau jäne Kölsai yqşamaudandarynda «Balqaş» JBQ-da NS-2 keŋeitu jobasyn äzırlep jatyr. Sondai-aq Mūztau men Kölsai yqşamaudan jalpy ūzyndyǧy 3,8 km qūraityn magistraldy su qūbyry jelısın qosatyn qūrylystyŋ JSQ äzırlenıp jatyr, qūrylys-montajdau jūmystarynyŋ bastaluy 2023 jyldyŋ II toqsanyna josparlanǧan.
"Qosymşa, aǧymdaǧy jyldyŋ soŋyna deiın Sūlusai yqşamaudandaǧy sumen jabdyqtau jelılerınıŋ qūrylysyna jäne 2 ūŋǧymany būrǧylauǧa JSQ äzırleu aiaqtalady. QMJ-ǧa kelesı jyldyŋ köktemınde kırısudı josparlap otyrmyz", - dedı äkım.
Ūqsas jaŋalyqtar
