19 jeltoqsan künı öŋır basşysy Nūrdäulet Qilybai Aqtau qalasynda ornalasqan oblystyq sporttaǧy daryndy balalarǧa arnalǧan mamandandyrylǧan mektep-internat kolledjınıŋ aşylu saltanatyna qatysty.
Būl – öŋırde alǧaş ret aşylyp otyrǧan, sport pen bılımdı ūştastyratyn arnaiy oqu orny. Mekeme olimpiadalyq sport türlerı boiynşa daryndy balalardy käsıbi deŋgeide daiarlauǧa baǧyttalǧan.
Saltanatty şarada oblys äkımı būl oqu orny öŋırdıŋ sporttyq äleuetın arttyruǧa jäne halyqaralyq deŋgeide el namysyn qorǧaityn chempiondardy tärbieleuge zor mümkındık beretının atap öttı.
«Būl mektep Memleket basşysynyŋ sportty damytu jäne daryndy balalardy qoldau jönındegı tapsyrmasyna säikes aşylyp otyr. Mūnda sport pen bılım qatar damyp, bolaşaq chempiondardy daiarlauǧa barlyq jaǧdai jasalǧan. Endıgı mındet – oqu prosesın sapaly ūiymdastyryp, balalardyŋ qauıpsızdıgı men käsıbi damuyn qamtamasyz etu. Būl jerden el namysyn halyqaralyq arenalarda qorǧaityn sportşylar ösıp şyǧaryna senemın», – dedı Nūrdäulet Qilybai.
İnternat 300 oquşyǧa arnalǧan. Onyŋ ışınde 250 bala jataqhanamen qamtamasyz etılse, qatynap oqityn 50 oquşy üşın arnaiy tasymal qyzmetı ūiymdastyrylǧan.
Oqu ornynda boks, dziudo, taekvondo, erkın jäne grek-rim küresı boiynşa jattyǧular ötkızıledı. Oquşylar kün saiyn ekı mezgıl jattyǧyp, täjıribelı jattyqtyruşylardyŋ jetekşılıgımen daiyndyqtan ötedı.
İnternat-kolledjdıŋ infraqūrylymy zamanaui talaptarǧa säikes jabdyqtalǧan. Mūnda sport jäne küres zaldary, oqu kabinetterı, kıtaphana, medisinalyq ortalyq, jataqhana men ashana qarastyrylǧan. Oqu men jattyqtyru jūmystary memlekettık bılım standarttary men sporttyq talaptarǧa sai jüzege asyrylady.
