Almatyda ushaq jolaýshysy mas kúıinde bortqa otyrmaqshy bolyp, polıııaǵa baǵynbaǵany úshin reısten shyǵarylyp, qamaýǵa alyndy, - dep habarlaıdy “Adyrna” ulttyq portaly QR Ishki ister mınıstrligine silteme jasap.
Jolaýshy Almatydan Sochıge ushpaq bolǵan. Ushaqqa otyrǵyzý kezinde ol mas kúıinde avıakompanııa qyzmetkerlerine ádepsiz sózder aıtyp, agressıvti minez kórsetip, túsiniktemelerge jaýap bermegen.
"Tutqyndaý kezinde áıel polıııanyń talabyn oryndamaǵan. Áýejaıdaǵy jelilik polıııa bóliminiń qyzmetkerleri onyń ústinen mas kúıinde qoǵamdyq orynǵa shyqqany, usaq buzaqylyq jasaǵany jáne tártip saqshysynyń zańdy talabyna baǵynbaǵany úshin ákimshilik hattama toltyrdy. Materıal sotqa jiberildi", – dedi ishki ister mınıstrliginiń baspasóz qyzmeti.
Ustalǵan azamat buǵan deıin de alkogoldik ishimdik ishkeni úshin ákimshilik jaýapqa tartylǵany belgili boldy. Sot qaýlysymen quqyq buzýshy 15 táýlikke ákimshilik qamaqqa alyndy.
