Orynbor oblysyndaǵy Orsk qalasynda (Jaıyq ózeniniń boıynda Qazaqstan shekarasynan 15 shaqyrym jerde ornalasqan – derek) bóget qırady, dep habarlaıdy "Adyrna" ulttyq portaly.
«Orsk qalasynda bóget buzyldy. Sý tasqyny aımaǵynda ornalasqan úılerden qala turǵyndary evakýaııalanýda», - dep habarlady juma kúni reseılik tótenshe jaǵdaılar qyzmetiniń ókilderi.
Jedel qyzmetter 4 myńǵa jýyq jeke turǵyn úı sý basý aımaǵynda qalýy múmkin ekenin aıtty. Sol úıılerde jalpy alǵanda 10 myńǵa jýyq adam turady.
«Eski qalada bógettiń bir bóligi buzyldy», - dep túsindirdi Orynbor oblysynyń úkimeti.
Eski Orsk aýmaǵynan kóshirý úshin alty ýaqytsha ornalastyrý pýnkti daıyndaldy.
Ázirge QR Tótenshe jaǵdaı mınıstrligi atalmysh aımaqtaǵy jaıtqa qatysty málimdeme jasamady.