1925 jyly 9 aqpan künı Qazaq AKSR Ortalyq atqaru komitetı töralqasy el astanasyn Orynbordan Aqmeşıtke köşıru turaly şeşım qabyldady. Soŋynan Orynbor Resei qūramyna öttı.
Sol jyldyŋ 15–19 säuırı aralyǧynda Aqmeşıtte ötken Keŋesterdıŋ bükılqazaqstandyq V sezında būdan basqa da şeşımder qabyldandy. Ǧasyrlar boiy būrmalanyp kelgen «kirgiz» atauy resmi türde «qazaq» dep tüzetılıp, «Kirgiz AKSR» atauy «Qazaq AKSR» bolyp özgertıldı.
1925 jyldyŋ köktemı men jazynda memlekettık basqaru organdary tügeldei Syr boiyna köşırılıp, Qyzylorda qysqa uaqyt ışınde jas respublikanyŋ saiasi, mädeni jäne ruhani ortalyǧyna ainaldy. Al būrynǧy astana Orynbor qalasy men onyŋ guberniiasy Resei Federasiiasynyŋ qūramyna öttı.
1927 jyly astanany Almatyǧa köşıru turaly şeşım qabyldanyp, 1929 jyly būl üderıs tolyq aiaqtaldy. Körkem tabiǧaty men qolaily geografiialyq orny bar Almaty 1997 jylǧa deiın Qazaqstannyŋ bas qalasy bolyp, ǧylym men mädeniettıŋ ırı ortalyǧyna ainaldy. Täuelsızdık däuırınde elordany Saryarqa törıne köşıru turaly şeşım qabyldanyp, būl märtebe Astanaǧa berıldı.
