Elordalyq Qazaqstan halqy Assambleıasy Dostyq úıiniń bazasynda sý tasqynynan zardap shekken óńirlerdiń turǵyndary úshin gýmanıtarlyq kómek jınaý boıynsha áleýmettik akııa uıymdastyrdy, dep habarlaıdy “Adyrna” ulttyq portaly Astana ákimdiginiń resmı saıty siltep.
Gýmanıtarlyq kómek Aqmola jáne Qaraǵandy oblystarynyń turǵyndaryna jetkiziledi. Zardap shekkenderge kıim-keshek, azyq-túlik, jeke kútim, tósek-oryn, ydys-aıaq jáne dári-dármekter jınaldy.
Hasan Sharıpovtyń tóraǵalyǵymen qurylǵan qalalyq shtab gýmanıtarlyq kómek jınaý jumystaryn úılestiredi jáne taýarlardy qabyldaý men túsirýge kómek kórsetedi.
"Biz Qazaqstan halqy Assambleıasy men etnomádenı ortalyqtardyń atynan sý tasqynynan zardap shekkenderge qoldaý kórsetemiz. Óńirlerde tótenshe jaǵdaı jarııalanǵannan keıin biz gýmanıtarlyq kómek jınadyq", - dep atap ótti qalalyq shtab tóraǵasy jáne QHA múshesi Hasan Sharıpov.
Akııaǵa elorda turǵyndary, QHA jastar qanatynyń eriktileri men meenattar qatysty. Sondaı-aq azyq-túlik jetkizgen "Astana" balalar fýtbol klýbynyń músheleri kómekke mańyzdy úles qosty.
Qazirgi ýaqytta qala Assambleıasynyń músheleri men eriktiler sý tasqynynan zardap shekkenderge jalpy somasy 5 mln 200 teńgege kómek kórsetti.
Esterińizge sala keteıik, Astanada gýmanıtarlyq kómek qabyldaýdyń 9 pýnkti uıymdastyrylyp, jıyny 30-ǵa jýyq eriktiler uıymy qatysýda. Kún saıyn 200-den astam erikti qajetti zattardy suryptaýǵa jáne jóneltýge kómek kórsetedi.
Aıta ketý kerek, eriktiler qarjylyq kómekti qabyldamaıdy. Nıet bildirýshiler jınaý oryndaryna qajetti ónimderdi jınap, apara alady.
