Astana mańynda maldyń terileri men ishek-qarny shashylyp jatyr. Bul týralıa Qazaqstannyń organıkalyq ónim óndirýshiler odaǵynyń dırektory Ársen Kerimbekov jelidegi paraqshasynda jazyp, foto jarııalady, dep habarlaıdy “Adyrna” ulttyq portaly.
«Nege bizde kóp elge qaraǵanda et baǵasy solarmen birdeı, kóbine tipti qymbat? Sebebi osy jyldar boıy maldy et kombınattaryna ótkizý jumysyn retteı almadyq. Baǵdarlamalar, sýbsıdııalar – munyń bári bos sóz. Myna fotolar keshe túsirilgen. Astana qasaphanasynyń mańynda teri, ishek-qaryn men uıyǵan qan jaırap jatyr. Al onyń ıisi qandaı bolatynyn elestetip kórińizder!», - dep jazdy Kerimbekov jelidegi paraqshasynda.
Osy postan keıin Aýyl sharýashylyǵy mınıstrligi Veterınarlyq baqylaý jáne qadaǵalaý komıtetiniń Astana qalasy aýmaqtyq ınspekııasy polıeılermen birge kórsetilgen mekenjaıǵa barǵan.
«Tekseris barysynda Alash shossesi, 313 kóshesinde, «Agro Ónim Astana» JShS mal soıý pýnktine irgeles aýmaqta maldyń ishek-qarny tabyldy. Mal soıatyn pýnkt qurylys jumystaryna baılanysty 2023 jyly qyzmetin toqtatqan. Alaıda Qurban aıt kezinde ýaqytsha mal soıylǵan», - delingen habarlamada.
Osy faktige baılanysty «Agro Ónim Astana» JShS mal soıý pýnktiniń ıesi J.Jaılaýǵa ákimshilik hattama toltyrylyp, 30 AEK, ıaǵnı, 110 760 teńge aıyppul salyndy. Aýmaq tazartyldy.
Sondaı-aq Alash shossesi kóshesinen qurylys qoqysy men maldyń ishek-qarny shashylǵan taǵy bir jer ýchaskesi tabylǵan. Jerdi jalǵa alǵan A.S.Mádenovke ákimshilik hattama toltyryldy. Jer ýchaskesi tazartyldy.
