25 qarasha - zorlyq – zombylyqqa qarsy kúnge oraı elimizde “Zorlyq-zombylyqqa qarsy belsendiliktiń 16 kúni” akııasy bastaldy, dep habarlaıdy "Adyrna" ulttyq portaly Polisia.kz-ke siltep.
Bul akııanyń maqsaty – áıelderge qatysty zorlyq-zombylyqtyń aldyn alý, boldyrmaý jáne jolyn kesý, ana men balany, olardyń ómirin qorǵaý, sondaı-aq otbasylyq qundylyqtardy nasıhattaý bolyp tabylady.
Áıelderge qatysty kemsitýshiliktiń barlyq túrin joıý aıasynda Ishki ister mınıstrligi 25 qarashadan 10 jeltoqsanǵa deıin múddeli memlekettik organdardyń, úkimettik emes jáne halyqaralyq uıymdardyń ókilderin, barsha halyqty “Zorlyq-zombylyqqa qarsy belsendiliktiń 16 kúni” akııasyn ótkizýge shaqyrady.
Atalmysh sharany ótkizý barysynda ımıdjdik is-sharalardan bólek otbasynda quqyq buzýshylyq jasaýǵa beıim adamdardy, sondaı-aq jaısyz otbasylardy turǵylyqty jeri boıynsha tekserý josparlanǵan.
Ár óńirde qurylǵan mobıldi toptar turmysy jaısyz otbasylar men ómirlik qıyn jaǵdaıǵa tap bolǵan otbasylarǵa keshendi kómek kórsetýge erekshe nazar aýdarmaq.
Otbasyndaǵy agressorlarmen ákimshilik qamaýdy óteý kezeńinde profılaktıkalyq jumys jasaý úshin qoǵamnyń belsendi ókilderi jumyldyrylyp, arnaıy qabyldaǵyshtarǵa barý josparlanǵan.
"Qurmetti azamattar! Eger siz otbasylyq-turmystyq zorlyq-zombylyqtyń qurbany bolsańyz nemese osyndaı jaǵdaı týraly bilseńiz, ony jasyrýdyń qajeti joq. Polıııanyń 102 jedel arnasy únemi jumys isteıdi. Odan bólek elimizde jaqynda ǵana iske qosylǵan 111 tegin senim telefony bar, oǵan qońyraý shalyp, turmystyq zorlyq-zombylyq qurbandaryna kómek kórsetý baǵdarlamalary týraly keńes alýǵa bolady. Árbir shaqyrý boıynsha polıııa qyzmetkerleri jedel túrde sol jerge kelip, kináli adamdardy jaýapqa tartý úshin zańda kózdelgen barlyq sharalardy qabyldaıdy", – dedi QR IIM ákimshilik polıııa komıtetiniń erekshe tapsyrmalar jónindegi aǵa ınspektory Aqmaral Serikbaeva.
