Talıbandardyń qataryna Islam emıratynyń modjahedteri de qosyldy. Keshe Talıbandar Ahmad Masýdqa ýltımatým qoıyp, tez arada jaýap berýin talap etken edi. Biraq qazir Talıbandar men Islam emıratynyń modjahedteriniń birikken kúshiniń talabyna Ahmad Masýdtyń jasaqtary kelispedi. Tálipter ýaqyt berdi. Endi Pandjsherdegi jaǵdaı qıyndaǵan sııaqty.
Pandjsher jazyǵynda qazir Aýǵanstannyń vıe-prezıdenti Amrýlla Saleh pen Qorǵanys salasynyń eks-mınıstri Bısmılla Mohammad ta júr. Ahmad Masýdty qoldaýshylardyń da qatary kóbeıip jatyr. Qazir Masýdtyń jasaǵyna Pandjsherdegi arnaıy jasaq polkovnıgi Mýnıb Ámir, Aýǵan ulttyq armııasynyń komandıri Hamıd Saıfı, Qolbasshy ári general Hasıb Pandjshırı de qosyldy. Olarmen birge erip kelgen sarbazdar da Masýdtyń jasaǵyna kelip birikti.
Osydan 3 saǵat buryn Tájikstannyń shekara mańyna qonystanǵan jergilikti turǵyndardan quralǵan antıtáliptik kúshterden Masýdtyń jasaǵyna qosylamyz degen habary jetti. Tipti Emomalı Rahmonnyń ózi erikti azamattardyń bárine soǵysqa qatysýǵa ruqsat beripti. Keıbir aqparat kózderi bul aqparatty rastamaı otyr.
Masýdtyń qatarynyń kóbeıgenimen, qarý-jaraqtyń jetkiliksizdigi qolbaılaý bolyp jatyr. Masýd áskerlerine janqııarlyqpen shaıqasýyna týra kelip tur. Qazirge syrttan eshqandaı da kómek bolmaı jatyr. Al tálipter qazir Aýǵanstannyń barlyq shekara tusyn baqylaýǵa alyp úlgergen. Táliptermen qaqtyǵysta Masýd jasaqtaryna qarý-jaraqpen qatar as-sý men tamaqtyń da jetispeýshiligi týyndaýda. Sondyqtan da tálipterdiń tarapynan týyndaǵyn qaýiptiń basymdyǵy joǵary.
Pandjsherdiń jergilikti turǵyndarynyń basym bóligin etnıkalyq tájikter quraıdy. Al, tájikterdiń de erikti jasaqtary Masýdtyń jaǵyna toptasyp jatyr. 2001 jyly Ahmad Shah Masýd táliptermen qaqtyǵysta soltústik óńirge yǵysyp baryp, óziniń armııasyn jasaqtaǵan bolatyn. Biraq aýǵan qolbasshysynan kúshi basym táliptermen qaqtyǵysta Mahmad Shah Masýd maıdanda qaza bolady. Sodan kúshine mingen tálipterdi Soltústik Alıanstyń kúshteri talqanyn shyǵaryp, resmı Aýǵan bıligin saqtap qalǵan edi. Arada 32 jyl ótkennen soń onyń uly Ahmad Masýd dál osy Pandjsherge búkil ultshyl kúshterdiń báriniń basyn qosyp, úlken kúsh jınap jatyr.
Bul soǵysta Masýdty tize búktirý Talıban radıkaldy qozǵalysyna da ońaıǵa túspeıin sııaqty. Sebebi, Masýdtyń aınalasyna da jan jaqtaǵy burynǵy áskerbasylar men erikti sarbazdar toptasyp úlgerdi.
Bekbolat QARJAN,
«Adyrna» ulttyq portaly
