23 naýryzda ótken úkimet otyrysynda Túrkimenstan basshysy Serdar Berdimuhamedov «Änew - müňýyllyklardan gözbaş alýan medeniýet» (Anaý – myńdaǵan jyldardan kele jatqan mádenıet) kitaby boıynsha jumysty aıaqtaǵanyn málimdedi. Bul týraly «Túrkimenstan: búgin» aqparat agenttigi jarııalady,dep habarlaıdy “Adyrna” ulttyq portaly.
Kitap Anaý qalasynyń 2024 jyly «Túrki áleminiń mádenı astanasy» bolyp jarııalanǵanyna oraı jazylǵan. Serdar Berdimuhamedov kitapty jazýǵa Túrkimen halqynyń Ulttyq Kóshbasshysynyń tarıhı derek kózderinen jınaǵan materıaldary kómekteskenin atap ótti.
Sondaı-aq, ol Túrkimenstan halqy úshin merekeler sheksiz serııa ekenin, kelesi aptada Anaý qalasyn 2024 jyly «Túrki áleminiń mádenı astanasy» dep jarııalaýǵa arnalǵan is-sharalar ótetinin aıtty.
Serdar Berdimuhamedov túrkimen halqynyń dańqty ótkenin rastaı otyryp, álemge áıgili arheologtar V.Masson, R.Pampellı, V.Sarıanıdıdiń Túrikmenstanda ashqan jańalyqtaryna nazar aýdardy. Batyr-Arqadag olarmen jáne olardyń urpaqtarymen jumys isteı aldy, arheologtardyń eldiń ár túkpirine saparlaryn uıymdastyrdy, jalpy, qazba jumystaryna baılanysty is-sharalardy júrgizdi.
Aıta keteıik, 2023 jyldyń jeltoqsan aıynda Serdar Berdimuhamedovtyń «Jastar – Otan tiregi» atty alǵashqy kitabynyń tusaýkeseri boldy. Kitapta el jastarynyń qazirgi dáýirdegi jetistikteri jınaqtalǵan. Eńbek baqytty jastar jylynyń qorytyndysyna arnalǵan.
Eske salaıyq, 2022 jyldyń naýryzyna deıin bul qyzmetti atqarǵan Túrkimenstannyń burynǵy prezıdenti Gýrbangýly Berdimuhamedov sonymen qatar aspazdyq pen jylqy sharýashylyǵyn qosa alǵanda, alýan túrli taqyryptar boıynsha 60-tan astam eńbektiń avtory retinde tanymal.
