Memleket basşysy Qasym-Jomart Toqaev Türkımenstan prezidentı Serdar Berdımūhamedovpen kezdestı, dep habarlaidy “Adyrna”.
Qasym-Jomart Toqaev Türkımenstan prezidentıne ıltipat bıldıre otyryp, onyŋ bırınşı «Ortalyq Aziia – İtaliia» sammitıne qatysuy memleketaralyq köpqyrly qarym-qatynastardy odan ärı ılgerıletu tūrǧysynan maŋyzdy ekenın atap öttı.
«Ekı el arasyndaǧy yntymaqtastyqty damytuǧa basa män beremız. Ekonomikalyq bailanystarda naqty nätijelerge qol jetkızemız dep esepteimın. Basqa da salalar boiynşa, äsırese, mädeni-gumanitarlyq baǧytta yqpaldastyq qarqyndy damyp keledı. Kün tärtıbındegı jobalardy jüzege asyruǧa qos tarap ta küş jūmyldyratynyn eskersek, özara tiımdı qarym-qatynastyŋ keleşegı zor», – dedı memleket basşysy.
Prezidenttıŋ pıkırınşe, qazır Astana men Aşhabad arasyndaǧy yntymaqtastyq örkendep, köptegen negızgı salalarda oŋ dinamika baiqalady.
Serdar Berdımūhamedov Qasym-Jomart Toqaevqa qonaqjailyq tanytqany jäne «Ortalyq Aziia – İtaliia» sammitın tabysty ötkızgenı üşın alǧys aitty.
«Ortalyq Aziia elderı men İtaliia joǧary deŋgeidegı osyndai formatta tūŋǧyş ret kelıssöz jürgızıp otyr. Sammit qorytyndysy memleketterımız arasyndaǧy yntymaqtastyqty keŋeituge yqpal etetınıne senımdımın», – dedı Türkımenstan prezidentı.
Kezdesude Qasym-Jomart Toqaev Halk Maslahatynyŋ töraǧasy Gurbanguly Berdımūhamedovke ystyq yqylasyn joldap, onyŋ jauapty qyzmetıne tolaǧai tabys tıledı.
Ūqsas jaŋalyqtar
