23 ناۋرىزدا وتكەن ۇكىمەت وتىرىسىندا تۇركىمەنستان باسشىسى سەردار بەردىمۇحامەدوۆ «Änew - müňýyllyklardan gözbaş alýan medeniýet» (اناۋ – مىڭداعان جىلداردان كەلە جاتقان مادەنيەت) كىتابى بويىنشا جۇمىستى اياقتاعانىن مالىمدەدى. بۇل تۋرالى «تۇركىمەنستان: بۇگىن» اقپارات اگەنتتىگى جاريالادى،دەپ حابارلايدى “ادىرنا” ۇلتتىق پورتالى.
كىتاپ اناۋ قالاسىنىڭ 2024 جىلى «تۇركى الەمىنىڭ مادەني استاناسى» بولىپ جاريالانعانىنا وراي جازىلعان. سەردار بەردىمۇحامەدوۆ كىتاپتى جازۋعا تۇركىمەن حالقىنىڭ ۇلتتىق كوشباسشىسىنىڭ تاريحي دەرەك كوزدەرىنەن جيناعان ماتەريالدارى كومەكتەسكەنىن اتاپ ءوتتى.
سونداي-اق، ول تۇركىمەنستان حالقى ءۇشىن مەرەكەلەر شەكسىز سەريا ەكەنىن، كەلەسى اپتادا اناۋ قالاسىن 2024 جىلى «تۇركى الەمىنىڭ مادەني استاناسى» دەپ جاريالاۋعا ارنالعان ءىس-شارالار وتەتىنىن ايتتى.
سەردار بەردىمۇحامەدوۆ تۇركىمەن حالقىنىڭ داڭقتى وتكەنىن راستاي وتىرىپ، الەمگە ايگىلى ارحەولوگتار ۆ.ماسسون، ر.پامپەللي، ۆ.ءساريانيديدىڭ تۇرىكمەنستاندا اشقان جاڭالىقتارىنا نازار اۋداردى. باتىر-ارقاداگ ولارمەن جانە ولاردىڭ ۇرپاقتارىمەن جۇمىس ىستەي الدى، ارحەولوگتاردىڭ ەلدىڭ ءار تۇكپىرىنە ساپارلارىن ۇيىمداستىردى، جالپى، قازبا جۇمىستارىنا بايلانىستى ءىس-شارالاردى جۇرگىزدى.
ايتا كەتەيىك، 2023 جىلدىڭ جەلتوقسان ايىندا سەردار بەردىمۇحامەدوۆتىڭ «جاستار – وتان تىرەگى» اتتى العاشقى كىتابىنىڭ تۇساۋكەسەرى بولدى. كىتاپتا ەل جاستارىنىڭ قازىرگى داۋىردەگى جەتىستىكتەرى جيناقتالعان. ەڭبەك باقىتتى جاستار جىلىنىڭ قورىتىندىسىنا ارنالعان.
ەسكە سالايىق، 2022 جىلدىڭ ناۋرىزىنا دەيىن بۇل قىزمەتتى اتقارعان تۇركىمەنستاننىڭ بۇرىنعى پرەزيدەنتى گۋربانگۋلى بەردىمۇحامەدوۆ سونىمەن قاتار اسپازدىق پەن جىلقى شارۋاشىلىعىن قوسا العاندا، الۋان ءتۇرلى تاقىرىپتار بويىنشا 60-تان استام ەڭبەكتىڭ اۆتورى رەتىندە تانىمال.
