Bügın - Qazaqstannnyŋ halyq jazuşysy, Qazaqstannyŋ Memlekettık syilyǧynyŋ laureaty Säken Jünısovtıŋ tuǧanyna - 90 jyl.
Säken Jünısov 1934 jyly Kökşetau oblysy, Qyzyltau audany, Kışkeneköl auylynda düniege kelgen.
Ol 1957 jyly Qazaq memlekettık universitetın tämamdaǧannan keiın, eŋbek jolyn "Pioner" (qazırgı "Aqjelken") jurnalynda ädebi qyzmetker bolyp bastady. M. Äuezov atyndaǧy Qazaq memlekettık akademiialyq drama teatrynda ädebiet bölımınıŋ meŋgeruşısı, KSRO Ädebi qorynda Qazaq bölımşesınıŋ direktory, Qazaqstan Jazuşylar odaǧynyŋ hatşysy qyzmetterın abyroily atqardy.
Säken Jünısov bıryŋǧai jazuşylyqpen ainalysqan. Jarty ǧasyrǧa taiau şyǧarmaşylyq ömırınde qazaq ädebietın örkendetuge ölşeusız üles qosty. "Aqan serı" dilogiiasy, "Japandaǧy jalǧyz üi", "Zamanai men Amanai" romandary qalyŋ oqyrman qauymnan da, ädebi synnan da joǧary baǧa aldy. "Ajar men ajal", "Tūtqyndar", "Qyzym, saǧan aitam", "Jaraly gülder", "Qos anar" taǧy basqa pesalary Respublika teatrlarynda qoiyldy. "Ölıara" pesasyna 1986 jyly Qazaqstan Respublikasynyŋ Memlekettık syilyǧy berıldı.
Balalarǧa arnalǧan "Sonarda" dep atalatyn alǧaşqy kıtapşasy 1959 jyly şyqty. Būdan soŋ, 1961 jyly jas jetkınşekter üşın "Äjem men emşı jäne därıger", 1962 jyly "Kımnıŋ mekenı jaqsy?", 1983 jyly "Saqau bäteŋke" siiaqty t.b. kıtaptary jaryq kördı. "Öşpeitın ızder" povesın, 1965 jyly "Japandaǧy jalǧyz üi" romanyn jazyp, orys tılıne 1968 jyly audarylǧan. "Aqan serı" dilogiiasynyŋ bırınşı kıtaby 1971 jyly jaryq körse, 1977 jyly ekınşı kıtaby oqyrmandaryna jol tartty, al 1979 jyly orys tılıne audaryldy. 1987 jyly "Zamanai men Amanai" povesın jazdy.
Köptegen şyǧarmalary şet tılderge audarylǧan. L.N.Tolstoidyŋ, S.Sveigtıŋ bırqatar äŋgımelerın, O.T.Gonchardyŋ "Perekop", "Kökadyr" romandaryn qazaq tılıne audarǧan.
