Äzerbaijanda Qūrmanǧazy ortalyǧy aşylady, dep habarlaidy "Adyrna" tılşısı.
Memleket basşysynyŋ Azeri-Press agenttıgıne bergen sūhbatynda aldaǧy josparlarymen bölıstı.
Jurnalistıŋ "Bauyrlas Qazaqstan aldaǧy uaqytta elımızde taǧy qandai jobalardy jüzege asyrudy josparlap otyr?" degen sūraǧyna Toqaev jauap berdı.
"Bız qazırdıŋ özınde Qarabaqtyŋ qanşalyqty serpındı türde jandanyp jatqanyn körıp otyrmyz. Būl öŋırde köptegen jūmystar atqaryluda. Kölık, äleumettık jäne turizm infraqūrylymy belsendı damyp, äuejailar, qonaq üiler, tūrǧyn üiler men mektepter salynuda. Ärine, būl igılıktı ısten bız de qalys qala almadyq. 2022 jyldyŋ tamyz aiynda Bakuge barǧan saparymda balalar şyǧarmaşylyq ortalyǧynyŋ qūrylysy turaly habarlaǧan bolatynmyn. Qazaq halqynyŋ Äzırbaijanǧa tartuy retınde Fizulide Qūrmanǧazy atyndaǧy ortalyq aşylady. Menıŋ qazırgı saparymnyŋ baǧdarlamasynda osy Ortalyqtyŋ resmi aşyluy qarastyrylǧan. Būl mekeme elderımız ben halyqtarymyzdyŋ dostyǧynyŋ, bauyrlastyǧynyŋ jäne özara qoldauynyŋ taǧy bır simvolyna ainalary sözsız", - dedı Prezident.Odan bölek Qasym-Jomart Toqaev aldaǧy uaqytta Qazaqstan men Äzırbaijan jaŋa jobalardy jüzege asyratynyn aitty.
"Būǧan qosa, Qazaqstan Äzırbaijan men Armeniia arasyndaǧy beibıt kelısımnıŋ tezırek jasaluyna müddelı ekenın atap ötkım keledı. Qazaqstan halyqaralyq bıtımgerşılık bastamalardyŋ bastamaşysy jäne qoldauşysy retınde bükıl Euraziialyq aimaqtyŋ beibıt jäne tūraqty damuyna baǧyttalǧan kez kelgen küş-jıgerdı qoldauǧa daiyn", - dedı Prezident.Qazaqstan Prezidentınıŋ tapsyrmasymen salynyp jatqan ǧimarat qūrylysy aiaqtaluǧa jaqyn.
Ūqsas jaŋalyqtar
