Ýkraına Úkimeti AQSh-pen Investıııalyq qor qurý jónindegi kelisimdi bekitý úshin qajetti sheshimder qabyldaýda. Bul týraly eldiń premer-mınıstri Denıs Shmygal málimdedi, dep habarlaıdy "Adyrna" ulttyq portaly.
Kelisim aıasynda Ýkraınaǵa tabıǵı resýrstaryn, sonyń ishinde sırek kezdesetin metaldardy ıgerýde jańa múmkindikter ashylmaq. Shmygaldiń aıtýynsha, qor Ýkraına men AQSh-tyń birlesken menshigi bolady jáne ony eki eldiń úkimetteri birlesip basqarady.
"Ýkraınanyń jer qoınaýy men resýrstary óz menshiginde qalady, olar AQSh-qa nemese basqa bireýge berilmeıdi. Ýkraına bolashaqta óziniń tabıǵı resýrstarynan túsetin tabystyń 50%-yn qorǵa aýdarmaq, al AQSh qarjy quraldary men basqa da qajetti aktıvter arqyly úles qosady" – dep túsindirdi Shmygal.
Qorǵa jınalǵan qarajat Ýkraına ekonomıkasyn qalpyna keltirýge baǵyttalatyny jáne bul kelisimniń Ýkraına EO-ǵa ıntegraııalaý mindettemelerine sáıkes keletini atap ótildi.
Buǵan deıin 21 aqpanda usynylǵan kelisimniń alǵashqy nusqasynda AQSh Ýkraına tabıǵı resýrstardan, munaı-gaz sektorynan jáne porttyq ınfraqurylymnan túsetin tabystyń 50%-ynan bas tartýyn talap etken bolatyn. Sonymen qatar, AQSh-tyń kelisimge sáıkes 500 mıllıard dollarlyq qor qurýdy talap etkeni týraly aqparat taraǵan.
Alaıda, Ýkraına prezıdenti Vladımır Zelenskıı bul talaptardy qabyldaýdan bas tartty.
Sońǵy málimetterge sáıkes, AQSh prezıdenti Donald Tramp 28 aqpanda Zelenskııdi Aq úıde kútip, sırek kezdesetin metaldar boıynsha mámilege qol qoıýy múmkin.
