Memleket basşysy Qasym-Jomart Toqaev tamyz konferensiiasynyŋ plenarlyq otyrysynda söiledı. Būl turaly Aqorda jazdy, dep habarlaidy “Adyrna”.
Prezidenttıŋ pıkırınşe, memlekettık qyzmette meritokratiia qaǧidaty basty orynǧa şyqqan.
"Bız bır el, bır halyq bolyp, Ädılettı, Taza ärı Quatty Qazaqstandy qūryp jatyrmyz. Ūlttyŋ jaŋa sapasyn qalyptastyru üşın naqty reformalardy qolǧa aldyq. Būl – auqymdy ärı kürdelı jūmys. Bügınge deiın bıraz şarua atqaryldy. Eldegı saiasi jüie tolyq jaŋǧyrdy. Ūlttyq ekonomikanyŋ jaŋa baǧdary aiqyndaldy. Qoǧamymyz damyp, azamattardyŋ sana-sezımı özgerıp jatyr. Memlekettık qyzmette meritokratiia qaǧidaty basty orynǧa şyqty. Bilıkte de otbasylyq jüie joq. Azamattardy qyzmetke taǧaiyndau kezınde eŋ aldymen olardyŋ bılımı men käsıbi bılıgı eskerıledı", - dedı Toqaev.
Qasym-Jomart Toqaevtyŋ pıkırınşe, qazır elımızde ruhy azat, oiy erkın ūrpaq ösıp keledı.
"Zaŋdy syilau, tärtıpke baǧynu qoǧamnyŋ myzǧymas qaǧidasyna ainala bastady. Bır sözben aitqanda, Qazaqstan jaŋa sipatty el bolu jolyna bet būrdy. Bıraq özgerısterdı jasau bır bölek bolsa, ony bırjola ornyqtyru – bır basqa mäsele. Ol üşın eŋ aldymen qoǧam sanasy tübegeilı jaŋǧyruy qajet. Osy rette sızderge, iaǧni ūstazdar qauymyna zor jauapkerşılık jükteledı. Sebebı naǧyz adal azamat" mektep qabyrǧasynda qalyptasady", - dedı Toqaev.
