Bügın Almatyda tolqyn emes, tık jer dümpuı bolǧan. Būl turaly ǧalym, seismologiia institutynyŋ professory Älquat Nūrmaǧambetov aitty, dep habarlaidy “Adyrna” ūlttyq portaly QazAqparatqa sıltep.
«Būl joly jer sılkınısı 23 qaŋtardaǧy jer dümpuımen salystyrǧanda Almatyǧa jaqyn jerde boldy. Zılzala oşaǧy qaladan oŋtüstıkke qarai 31 şaqyrym jerde ornalasqan, būl öte jaqyn. Būl, ärine, qalaǧa qauıp töndıredı. Ädette mūndai sılkınısterden keiın bırneşe ret dümpu qaitalanady. Bıraq, ol qauıptı emes», – deidı ol.
Sondai-aq, ǧalym küştı jer sılkınısınıŋ oşaǧy Qyrǧyzstan men Qazaqstan şekarasynda, Ile men Küngei Alatauynyŋ aralyǧynda bolǧanyn aitty.
«Būl aimaqta būryn küştı jerasty dümpulerı tırkelgen, qazır de solai. Būl aimaq qala üşın qauıptı», - dedı Älquat Nūrmaǧambetov
Ǧalym qala tūrǧyndary būl joly sılkınıstı qaŋtar aiyndaǧydan da küştırek sezınuınıŋ sebebın tüsındırdı.
«Jer sılkınısınıŋ oşaǧy qalaǧa jaqyn bolǧan saiyn dümpu soǧūrlym tık ( vertikaldy) bolady. Jer sılkınısı kezınde gürıldegen dybys şyǧady. Bügın, adamdar sondai dauysty estıdı. Sondai-aq, jerdı alyp küş tepkendei qozǧalys, bırneşe sekundqa ǧana sozylady. Jer sılkınısınıŋ sipaty ädette ärtürlı: jergılıktı jäne alys bolady. Vertikaldy sılkınıs qaladan 20-30 şaqyrym qaşyqtyqta tırkeledı. Al qaŋtar aiynda Qytaida bolǧan zılzala alystaǧy jer sılkınısı», - dedı ol.
Ūqsas jaŋalyqtar
