Demalys ortalyqtary Naýryz meıramyn toılady

2367
Adyrna.kz Telegram

Almaty qalasy Jastar saıasatyn damytý memlekettik qory jáne Almaty qalasy Jastar saıasaty basqarmasynyń uıymdastyrýymen demalys ortalyqtarynyń «Naýryz meıramy» merekesi ótti.

Is-sharany JSDMQ dırektory Kajdenbek Azız Oralbekuly ashyp, quttyqtaý sóz sóıledi.

Mereke qazaq halqynyń salt-dástúrleriniń elementterimen sahnalyq qoıylym formatynda ótti. Qonaqtar "Dálel", "Rıtm", "Tumar", "HelloART", "Atamura" demalys ortalyqtary jáne t.b. sııaqty bı ujymdarynyń halyqtyq jáne merekelik qoıylymdaryn tamashalaı aldy. Sondaı-aq, "Sáýlem-aı", "JasTolqyn", "Semıreche", "Dostar" jáne t.b. oryndaýyndaǵy halyq ánderi usynyldy.

Mereke barysynda qonaqtardy "asyq atý", "arqan tartý", "qol kúres", "toǵyz-qumalaq", "sheńberden shyǵarý"sııaqty túrli sporttyq-ulttyq oıyndar men jarystar uıymdastyryldy. Jeńimpazdar gramotalarmen jáne shaǵyn syılyqtarmen marapattaldy.

"Taga Art Media" men "Jas Dınamo" demalys ortalyqtary "Qosh keldiń, Naýryz!" atty qoıylymdarmen jáne ózderiniń kásibı talanttarymen qonaqtardy qýantty.

Merekedegi basty taǵam dástúrli "Naýryz kóje" boldy, qonaqtar mereke barysynda kójeden dám tata aldy. Merekeniń barlyq qatysýshylary rıza bolyp, kóptegen jaǵymdy emoııalar men áserlerge ıe boldy.

Pikirler