Almaty qalasy äkımdıgınıŋ qoldauymen City Run jarysy öttı, ol 2025 jylǧy özınıŋ jügıru mausymyn qorytyndylady.
16 qaraşada Almatyda 20 elden kelgen 2 500 qatysuşy jinalǧan mausymnyŋ märelık jarysy öttı.
Jügıruşılerdıŋ qatarynda megapolistıŋ tūrǧyndary men qonaqtary, sonyŋ ışınde Şuchinsk qalasynan 91 jastaǧy Saliha Zigangerova jäne almatylyq 88 jastaǧy Duzu Mavliutova boldy. Märege jetkenderdıŋ barlyǧy estelık medaldar aldy.
2025 jylǧy jügıru mausymy 40 myŋnan astam qatysuşynyŋ basyn qosty, olardyŋ 18 myŋǧa juyǧy äielelder, ötken jylmen salystyrǧanda olardyŋ sany 20% -köp boldy. Sondai-aq tırkelgen şeteldık qatysuşylar qatary da ūlǧaiǧan.
Mausymnyŋ maŋyzdy oqiǧasy 60 elden 16 149 qatysuşyny jinaǧan 14-şı Almaty Marathon boldy. Biyl jügıru jolynyŋ negızgı rekordtary jaŋartyldy: erler – 2:19:38, äielder – 2:41:24. Alǧaş ret 1500 adam 42,2 şaqyrym marafon qaşyqtyǧyn igerdı.
Almaty jarystary AIMS halyqaralyq marafondary men jügıru jarystarynyŋ küntızbesıne engen elımızdegı jalǧyz qala.
Mūndai köpşılık ıs-şaralar qalalyq sport mädenietın nyǧaitady, būqaralyq sportty damytady jäne jergılıktı biznestı qoldaidy. Zertteu derekterı boiynşa, demalys künderı ötetın marafonǧa qatysuşylar ekı künde şamamen 8 mln teŋge jūmsaidy eken. Al serıktes kompaniialardan tüsken salyq soŋǧy tört jylda üş esege juyq – 318,9 mln teŋgeden 873,9 mln teŋgege deiın ösken. Qala syrtyndaǧy jügıruşılerdıŋ 80%-ǧa juyǧy Almatyǧa qaita keludı josparlap otyr.
