Memleket basshysy Q.Toqaev Qazaqstan halqyna Joldaýynda qylmystyq jáne qylmystyq-is júrgizý kodeksterine revızııa júrgizýdi jáne is júzinde jumys istemeıtin nemese sot tóreligine kedergi keltiretin barlyq nárselerden arylýdy tapsyrǵan bolatyn, sondaı-aq qylmystyq jáne qylmystyq is júrgizý zańnamasynyń turaqtylyǵyn qamtamasyz etýdiń mańyzdylyǵyn atap ótti. Atap aıtqanda, qylmystyq jáne qylmystyq is júrgizý kodeksterin tekserý, onyń ishinde bıznes isterine óz betinshe aralasý faktilerine jáne laýazymdyq ókilettikterdi teris paıdalanýdyń ózge de túrlerine jol bermeýge baǵyttaldy.
Kásipkerlerdiń kópshiligi, bıznesti júrgizý kezinde oryn alǵan táýekelder týraly dáleldi dálelderine qaramastan, ekonomıkalyq jáne salyqtyq qylmystyq quram boıynsha negizsiz kináli dep tanylady.
Osy oraıda BQO-da kásipkerge zańsyz talaptar qoıǵan laýazymdy tulǵa jaýapqa tartyldy. BQO boıynsha Sybaılas jemqorlyqqa qarsy qyzmet basshysynyń birinshi orynbasary Muratbek Qasymovtyń aıtýynsha, departamentke «Atameken» Óńirlik kásipkerler palatasy arqyly «Terekti aýdanynyń jumyspen qamtý jáne áleýmettik baǵdarlamalar bólimi» MM sheneýniginiń zańsyz áreketterine kásipkerler júgingen. Qabyldanǵan sharalardyń nátıjesinde kásipkerlerge kedergi keltirgen sheneýnik tártiptik jaýapkershilikke tartyldy.
Terekti aýdanynyń jumyspen qamtý jáne áleýmettik baǵdarlamalar bólimi tarapynan kásipkerlerge aqparattyq tablony saýda úı-jaıynyń syrtyna ornalastyrý jóninde negizsiz talaptar qoıylǵany anyqtaldy. Atalǵan tablony kásipkerler saýda úı-jaıynyń syrtyna ornatqan. Ony ornatý syrtqy jarnama úshin salyq tólemderin keıinnen tóleýdi kózdeıdi. Bul rette, sáýlet, qala qurylysy jáne qurylys salasyndaǵy memlekettik normatıvter jónindegi qaǵıdalarǵa sáıkes talaptar saýda úı-jaıynyń ishki resimdelýine ǵana qoldanylady. BQO boıynsha Sybaılas jemqorlyqqa qarsy qyzmettiń usynysymen anyqtalǵan kemshilikter joıylyp, kásipkerlerdiń quqyqtary qorǵaldy.
Sonymen qatar, sybaılas jemqorlyq táýekelderiniń Kartasyn, «Bızneske jol», «Sybaılas jemqorlyqqa qarsy volonterlik» jobalaryn iske asyrý, aýdandarda áleýmettik ınfraqurylym obektilerin salý kezinde sybaılas jemqorlyq táýekelderine yqpal etetin sebepter men jaǵdaılardyń týyndaýynyń aldyn alý máseleleri qaraldy.
Osy oraıda BQO-da Sybaılas jemqorlyqqa qarsy mobıldi top tegin zań kómegin kórsetý boıynsha jumysty jalǵastyrýda. Azamattardyń suraqtarynyń basym kópshiligi turǵyn úı alýǵa, jer qatynastaryna, jeńildetilgen nesıe alýǵa, qorshaǵan ortany qorǵaýǵa, jastardy jumysqa ornalastyrýǵa jáne keıbir sheneýnikterdiń, sonyń ishinde aýyldyq jáne aýdandyq deńgeıdegi ákimderdiń turǵyndarynyń ótinishterine áreketsizdigine qatysty týyndap otyr. Azamattardyń máselelerin BQO boıynsha Sybaılas jemqorlyqqa qarsy qyzmet basshylyǵy baqylaýǵa aldy.
Eger sizge sybaılas jemqorlyq faktileri týraly belgili bolsa, onda siz táýlik boıy jumys isteıtin Sybaılas jemqorlyqqa qarsy qyzmettiń 1424 Call-ortalyǵyna habarlasa alatynyńyzdy esińizge salamyz.
Káýsar BAIǴALIEVA
