Qazaqstannyń Sý resýrstary jáne ırrıgaııa mınıstrligi Reseıdiń Oral federaldyq okrýgi boıynsha ókiletti ókili Vladımır Iakýshevtiń sý jiberýge qatysty málimdemesin joqqa shyǵardy, dep habarlaıdy “Adyrna” ulttyq portaly QazTAG agenttigine siltep.
«Tobyl ózeniniń boıyndaǵy sý Reseıden keledi. Tıisinshe, sýdy aǵyzý týraly sheshim reseılik jaǵynan keletin aǵyndar negizinde qabyldanady. Sondyqtan Reseıdegi sý tasqynyna Qazaqstan yqpal etedi deý durys emes. Bul shyndyqqa janaspaıdy», - delingen mınıstrliktiń QazTAG redakııasyna jaýabynda.
Sý resýrstary jáne ırrıgaııa mınıstrliginiń baspasóz hatshysy Móldir Ábdýalıeva áleýmettik jelidegi málimdemesinde de osy týraly aıtqan.
Ol Iakýshevtiń sózine mezep "Qazaqstan Reseıdegi sý tasqynyna áser etedi dep aıtý durys emes. Bul shyndyqqa janaspaıdy,"- degen.
Vedomstvonyń habarlaýynsha, 2 sáýirden bastap Qazaqstan tarapy Tobyl ózeni boıyndaǵy sýdy jiberý boıynsha qabyldanǵan sheshimder týraly reseılik tarapty habardar etýde.
«Taraptar razrıadtardyń kóbeıýi nemese azaıýy boıynsha táýlik boıy aqparat almasady. Al biz eshqandaı kelisilmegen áreketter týraly aıtyp otyrǵan joqpyz. Qazaqstandyq tarap Reseı tarapymen tatý kórshilik áriptestik rýhynda yntymaqtastyq pen aqparat almasýdy jalǵastyrýǵa daıyn», - dep atap ótti mınıstrlik.
Buǵan deıin Iakýshev Qorǵan jáne Túmen oblystaryndaǵy sý tasqynyn boldyrmaý úshin Qazaqstan óziniń sý qoımalar júıesine sýdy «kelisilgen túrde jiberýge mindetti edi" degen pikir bildirgen. Onyń aıtqany Qazaqstan osylaı jasamaǵan soń Qorǵan men Túmen jerin sý alyp ketti degenge saıady. Iakýshevtiń málimdemesi Qazaqstanda birshama reakııa týdyrǵan. Sondaıda kópshilik Tobyl sýynyń Qazaqstannan Reseıge emes, Reseıden Qazaqstanǵa aǵatynyn aıtyp, mysqyldaǵan.
«Bizde osyndaı qys bolǵan kezde, qardyń jetkilikti mólsheri jınalǵanda ári sý qoımasynda sýdyń jetkilikti úlken qory jınalǵan kezde áriptesterimizben durys jáne birkelki bolýy úshin sý qoımalaryndaǵy sýdy aǵyzý kelisilgen, - degen bolatyn Vladımır Iakýshev.
Reseıdiń Qorǵan oblysynyń ózenderine quıatyn sý qoımalarynan aǵyzylatyn sý toqtamaı otyr. Osyǵan oraı, "Qorǵanǵa qaraı aǵyspen mol kólemde sý kele jatyr,-" dep habarlaǵan oblys gýbernatory Vadım Shýmkov óziniń Telegram kanalynda.
«Qazir Zverınogolovskoe aýylynda Tobyldan keletin sý deńgeıi qazirdiń ózinde 980 sm-den asyp otyr, al Qorǵanda – 375 sm. Eń basty problema qazir osy bolyp otyr. Qoımalardan keletin sý toqtamaı aǵyp jatyr», - dep jazdy ol.
Qorǵan oblysy ońtústiginde Qazaqstanmen shektesedi, Tobyl ózeni oblystyń ortalyǵynan ótedi. Ózen alqabynda ornalasqan eldi mekenderdi, sonyń ishinde Qorǵandy sý basý qaýpi bar.
