Syrtqy ıster ministrlıgı qazaqstandyqtardyŋ AQŞ vizasyn alu kezınde jiı kezdesetın bas tartu sebepterıne tüsınıkteme berdı. Vedomstvonyŋ resmi ökılı Erlan Jetıbaevtyŋ aituynşa, vizany beru nemese bermeu turaly şeşımdı AQŞ tarapy qabyldaidy. Eger ötınış beruşı barlyq qajettı qūjattardy talapqa sai ūsynyp, zaŋ talaptaryn būzbasa, viza alu mümkındıgı joǧary bolady, dep habarlaidy "Adyrna".
«Eger qūjattarda qandai da bır kemşılık bolsa, azamattan qosymşa mälımet nemese qūjat sūralady. Olar ūsynylǧannan keiın, menıŋ bıluımşe, köp jaǧdaida viza maqūldanady», – dedı Erlan Jetıbaev.
SIM ökılınıŋ sözınşe, vizadan bas tartudyŋ negızgı sebepterınıŋ bırı – qūjattardy räsımdeu kezınde jıberıletın tehnikalyq qatelıkter.
«Būl köbıne qūjattardyŋ talaptarǧa säikes kelmeuımen bailanysty. Keide anketa toltyruda, saqtandyru räsımdeude nemese jol jüru biletterın ūsynuda qatelıkter bolady. Ärbır jaǧdai jeke qaralady», – dep tüsındırdı ol.
Sondai-aq Jetıbaev Qazaqstandaǧy AQŞ konsuldyqtaryna jügınetın Resei azamattarynyŋ vizany jiı alatyny turaly aqparatty joqqa şyǧardy.
«Mūndai mälımet joq. AQŞ elşılıgı tarapynan da mūndai statistika nemese resmi aqparat jariialanǧan joq», – dedı SIM ökılı.
Būǧan deiın QR SIM bırınşı vise-ministrı Erjan Aşyqbaev qazaqstandyqtardyŋ şamamen 45–46 paiyzyna AQŞ vizasyn aluǧa ötınış bergende bas tartylatynyn mälımdegen bolatyn.
Sondai-aq SIM Europalyq odaq elderınıŋ vizalaryn qarau merzımınıŋ ūzaqqa sozylu sebepterın tüsındırıp, EO-men vizalyq rejimdı jeŋıldetu boiynşa jürgızılıp jatqan kelıssözder turaly da aqparat bergen edı.
