Ázirbaıjandaǵy kezekten tys prezıdent saılaýynda bıýlletenderdiń 93,35 paıyzy óńdelip, 92,05 paıyz daýyspen Ilham Álıev kósh bastady. Bul týraly Ázerbaıjan Ortalyq saılaý komıssııasynyń (OSK) tóraǵasy Mazahır Panahov brıfıng barysynda málimdedi, dep habarlaıdy “Adyrna” ulttyq portaly.
Sondaı-aq, Zahıd Orýdj – 2,19%, Razı Nýrýllaev – 0,8%, Fazıl Mustafa – 2%, Elshad Musaev – 0,67%, Gýdrat Hasangýlıev – 1,76%, Fýad Álıev – 0,53% daýys jınady.
Aıta keteıik, amerıkalyq «Oracle Advisory Group» uıymy Azamattardyń eńbek quqyqtaryn qorǵaý lıgasymen birlesip júrgizgen ekzıt-poll qorytyndysy boıynsha Ilham Álıevke saılaýshylardyń 93,9 paıyzy daýys bergen.
«Áleýmettik zertteýler ortalyǵy» jaýapkershiligi shekteýli seriktestiginiń málimetinshe, Ilham Álıevke saılaýshylardyń 92,4 paıyzy daýys bergen.
«Reı» monıtorıng ortalyǵynyń ekzıt-poll qorytyndysyna sáıkes, Ilham Álıevke saılaýshylardyń 92,6 paıyzy daýys bergen.
Saılaýshylar tiziminde 6 mıllıon 478 myń 623 adam bar. Respýblıka boıynsha 6537 saılaý ýchaskesi quryldy.
Sheteldegi Ázirbaıjan azamattary úshin 37 eldiń elshilikteri men konsýldyqtarynda 49 saılaý ýchaskesi quryldy.
Saılaýdy baıqaýǵa 90 myńnan astam baıqaýshy tirkelgen.
Táýelsiz Ázirbaıjan tarıhynda alǵash ret saılaý eldiń búkil aýmaǵyn, onyń ishinde okkýpaııadan azat etilgen jerlerdi qamtydy. Basqynshylardan azat etilgen aýmaqtarda 26 saılaý ýchaskesi quryldy.
