Qoǵam belsendisi, bloger Meıirjan Temirbek saılaý barysyndaǵy oqytýshylardan quralǵan komıssııa múshelerin synǵa aldy. Olardyń ult bolashaǵyna keltirgen zııanyn esh aqtap alýǵa kelmeıtin áreket dep baǵalap, aqsha emes, ar-uıat máselesine toqtaldy, dep habarlaıdy "Adyrna" ulttyq portaly.
Qoǵam belsendisi Meıirjan Temirbek saılaý kezinde komıssııa quramynda bolǵan muǵalimderdi sózben túırep, kesimin aıtty.
- Komıssııadaǵy muǵalimderge "júıe istetti", "buıryq berildi" degen syltaý júrmeıdi. Óıtkeni olar "ne bolsa da kelisemin" dep kelisim qaǵazyn jazyp bergender. Ar men namysty aıaqqa taptatty. Baıqaýshylardyń zań talaptaryn oryndalýyn baqylaýǵa kelgenin bile tura ashyqtyqtan jaltarýy, túrli quıtyrqy áreketterge barýy, daýys urlaýǵa janyn salyp kirisýi neni bildiredi?! Komıssııadan shyǵarmaıdy dep syltaýratady keıbireýi. Bul qur syltaý ǵana... - dedi belsendi.
Oqyrmandar avtordyń ustanymyn qoldap, tómendegideı oı-pikirlerin aqtaryp saldy:
- Eshkimdi májbúrlemeıdi. Aqshasy úshin komıssııa múshesi bolady. Jylda sol bir adamdar ajyramaı bolyp otyrǵan joq pa? Basqa adamǵa bol dese qýana bolady;
- Durys aıtady. Májbúrlemeıdi, tańdaý beredi;
- Daýys urlamaı qarsylassa, ózderi aq qoıady;
- Dál solaı! Eger shyn muǵalim bolsa, daýysty urlaýǵa jol bermes edi. Qasqaıyp qarsy turar edi, qylmysty áshkere jasaıtyn edi. Sodan keıin qýdalanyp jatsa, sol muǵalimniń qasynan tabylar edim. Saılaýdy taza ótkizgen ýachastokterde de muǵalimder boldy. Olar burmalaýǵa jol bergen joq, - dedi olar.
