“Halyqqa portfelın kömekşısıne arqalatyp, esıgın bıreuge aşqyzyp, taltaŋdap jüretın deputattar qajet emes. Prezidentımızdıŋ aitqan Ädılettı Qazaqstany bolu üşın, “Amanat” partiiasyna halyq sensın dese, tübegeilı özgeru kerek”. Būl pıkırdı QR Jurnalister odaǧynyŋ müşesı, “Qara şaŋyraq” ūlttyq tärbie ortalyǧynyŋ jetekşısı, etnolog-tarihşy Tūrar Sättarqyzy özınıŋ feisbuk paraqşasynda jazdy, dep habarlaidy “Adyrna” ūlttyq portaly.
“Prezidenttıŋ sailauynan keiın Jaŋa Qazaqstan, Ädılettı Qazaqstan dep jatyrmyz. Jaŋa Qazaqstanǧa jaŋa tūlǧalar kerek deimız. Özgere alady ma, älde “baiaǧy jartas, sol jartas” bolyp qala bere me? Astana qalasynan Senatqa sailanǧan Aqylbek Kürışbaevtyŋ senattaǧy orny bosap, ol orynǧa 3 kısı tüsıptı. Bolaşaq senatordy qala deputattary dauys berıp, qoldauy kerek. Aitpaqşy, tüsıp jatqan bır ümıtker 60-tan asqan adam. Özı qalalyq deputat eken. Bıraq sol kısınıŋ halyq arasynda jürıp, bır şarua jasap jürgenın körmeppın. Mäslihat otyrystarynan da körmeimız. Äleumettık jelıde ünsız. Halyqqa jaqyn emes adam ötpeidı dep sengım keledı. 60 -tal tüs deitın dana halqymyz. Senat, parlament zeinetke şyqqandardyŋ demalyp otyratyn “jūmsaq kreslosy” bolmasa eken. Tıptı bıreuı senator, bıreuı mäjılıs, bıreuı mäslihat deputattary bolǧan aǧaiyndylar bolǧan. Osyndai “şyrmauyqtai şyrmalǧan” tuystyq, rulyq, aǧaiyndyq toqtamai, bız kögermeimız.Öite bersek, Ädılettı Qazaqstannyŋ auyly alys.”,- dep jazdy Tūrar Şäken.Onyŋ aituynşa, Jaŋa Qazaqstanǧa memlekettık tıldı erkın meŋgergen, halyqqa jaqyn deputattar qajet.
“Jaŋa Qazaqstanǧa energiiasy tügesılgen, halyqqa bererı joq deputat emes, küş-qairaty bar, halyqqa jaqyn, halyqqa sözın ötkıze alatyn deputattar kerek. Partiiaǧa jaŋaşyl, ideiaşyl, bastamaşyl tūlǧalardy tartu kerek. Būrynǧy eskı sürleudı tarihqa jıberıp, ädılettı sailau jasau kerek! Mındettı türde memlekettık tılde söileitın, harizmasy myqty bolsa, qūba-qūp. Äitpese, jürekten şyqpaǧan, bıreu jazyp bergen sözderın myŋq-myŋq etıp, qaǧazǧa qarap oqityndar endı halyqqa ötpeidı. Olarǧa halyq endı senbeidı. Halyqqa portfelın kömekşısıne arqalatyp, esıgın bıreuge aşqyzyp, taltaŋdap jüretın deputattar qajet emes. Olardyŋ zamany öttı”,- deidı tarihşy.Tūrar Sättarqyzynyŋ aituynşa, bilık halyqtyŋ senımınen şyǧamyn dese, aldaǧy sailaular ädıl ötuı tiıs.
“Prezidentımızdıŋ aitqan Ädılettı Qazaqstany bolu üşın, “Amanat” partiiasyna halyq sensın dese, tübegeilı özgeru kerek. Eger dauys beru taza, ädıl ötse ǧana, halyq senımınen şyǧa alasyzdar. El Prezidentınıŋ halyqqa bergen uädesın oryndai alasyzdar. Prezidentke degen adaldyqtaryŋyzdy körsete alasyzdar. Ekı jol joq, jol bıreu-aq! Ol joldyŋ aty - Halyq senımı! Būrynǧy sengış, könbıs halyq joq, halyq oiandy. Joǧalǧan halyq senımın qaitaru, halyqtyŋ üddesınen şyǧu üşın aldaǧy sailaular, taǧaiyndaular taza bolsyn. Būl halyqtyŋ oiy. Al bilık halyqpen sanasuǧa mındettı”,- dep aiaqtady sözın “Qara şaŋyraq” ūlttyq tärbie beru ortalyǧynyŋ jetekşısı.
Ūqsas jaŋalyqtar
