Jazyqsyz sottalǵan Almaty qalasynyń turǵyny Ernar Seıdazovtyń ata-anasy BI-GROUP holdınginiń tóraǵasy Aıdyn Raqymbaevqa úndeý hat joldady.
«BI-GROUP» holdınginiń enshiles kompanııalary – «Kaspako» jáne «Bi Global» JShS-de 2 aı ǵana jumys istegen Ernar Seıdazov «96 000 000 teńgeniń materıalyn urlap ketipti» degen jalǵan aıyppen 8 jylǵa sottalǵan.
Úkimdi Almaty qalasy Alataý aýdandyq soty shyǵarǵan. Qamaýdaǵy jigittiń ata-anasy Ashırhan Seıdazov pen Kamılanyń Nýrmahanova sottyń sheshimimen kelispeıdi.
«BI-GROUP» holdınginiń enshiles kompanııalary – «Kaspako» jáne «Bi Global» JShS-niń jeke aqshasy bolsa bir sári, biraq memlekettiń tapsyrysymen memlekettiń qarjysyna memlekettik mektepter salynyp jatqanyn Almaty qalasy Alataý aýdandyq soty men Almaty qalasy qylmystyq ister jónindegi alqasy múlde elmegen. Ldetaev, Arystanbekov degen qyzmetkerler jalǵan kýá bolyp, Ernar Seıdazovtyń moınyna «Kaspako» jáne «Bi Global» JShS-niń basshylyǵy jymqyrǵan aqshany kózboıaýshylyqpen arta salǵan.
Buǵan deıin Ernar Seıdazovtyń ata-anasy Prezıdent Toqaevqa da, Májilisi depýtattarynyń atyna da arasha surap, hat jazǵan.
BI-GROUP holdınginiń akıoneri jáne dırektorlar keńesiniń tóraǵasy
Aıdyn Raqymbaev myrzaǵa!
Qurmetti Aıdyn Raqymbaev!
Sizge elimizdiń damýyna úles qosyp júrgen ozyq oıly azamat, ádildik, shyndyq, zańdylyq qaǵıdalaryn qurmetteıtin adam retinde osy hatty joldap otyrmyn. Meniń hatymdy kóńil bólip oqyp, oń jaýap beresiz dep úmittenemin.
Bul hatta kórsetilgen jaǵdaılar men faktiler tek meniń ótinishimdi ǵana emes, Siz basqaryp otyrǵan holdıngtiń fılıaldaryndaǵy zańsyzdyqtardy, tártiptiń joqtyǵyn, qyzmetkerlerdiń jaýapsyzdyǵyn, ásirese qarjy salasyndaǵy erejelerdiń dóreki buzylýyn qamtıdy.
Men Nýrmahanova Kamıla BI-GROUP holdınginiń «Kaspako» jáne «Bi Global» JShS-nde jabdyqtaýshy bolyp 2021-2022 jyldary 2,5 aı jumys istep, sol 2,5 aıda «Kaspako» JShS-ne 62 426 380 teńge, «Bi Global» JShS-ne 33 679 175 teńge shyǵyn keltirdi degen aıyppen sottalyp ketken Seıdazov Ernardyń anasymyn.
Iá, meniń balam sot úkimimen aıypty dep tanyldy, biraq sot isti ádil zańdy qaramady, zańsyz úkim shyǵardy.
Zańsyzdyqtyń dáleli sol – joǵalmaǵan zatty da urlady dep sottap otyr.
Zańsyz úkimniń shyǵýyna «Kaspako» jáne «Bi Global» JShS-niń materıaldyq jaýapty tulǵalary men qarjylyq qaýipsizdik bólimi qyzmetkerleriniń zań talaptaryn dóreki túrde buza otyryp jasaǵan qujattary negiz boldy.
Sol qyzmetkerler keltirilgen shyǵynnyń jaýaptylyǵynan óz bastaryn alyp qashý úshin barlyǵyn meniń balam E.Seıdazovtyń moınyna ilýge barlaryn saldy, sol úshin sottyń ózine yqpal jasady dep oılaımyn.
Sebebi sot:
- «Kaspako» jáne «Bi Global» JShS-niń jasaǵan túgendeý tizimderi (ınventarızaıonnye opısı) QR Qarjy mınıstriniń «Býhgalterlik esepti júrgizý qaǵıdalaryn bekitý týraly» 2015 jylǵy 31 naýryzdaǵy № 241 buıryǵynyń ( QR ÁM-nde 2015 jyly 6 mamyrda № 10954 tirkelgen) Túgendeý júrgizý tártibi týraly 4 taraýynyń 61, 65, 67 tarmaqtaryn óreskel buza otyryp jasalǵanyna;
- túgendeý tizimin jasaýǵa komıssııa múshesi retinde qol qoıǵan qyzmetkerlerdiń sotta ózderiniń túgendeýge qatyspaǵanyn aıtqanyna,
- túgendeý tizimin túgendeýge qatysýǵa bolmaıtyn adamdar jasaǵanyna;
- «Kaspako» jáne «Bi Global» JShS-nde býhgalterlik is-qujattardyń qalaı bolsa solaı jasalatynyna, ol qujattar kim kóringenniń, tipti sol mekemelerde jumys istemeıtin adamdardyń qolynda júretinine
- joǵaldy degen materıaldardy ýchaske basshylary qabyldap alyp, býhgalterııa arqyly ótkizip, jetkizýshilerge aqshasyn tólep qoıyp, odan soń ol materıal joǵaldy dep meniń balama jala jaýyp otyrǵanyna;
- meniń balam E.Seıdazov jumys istemegen kezde joǵalypty degen materıaldy da meniń balamnyń moınyna ilgenine;
- túgendeý tizimi men aýdıt, saraptama jáne sot úkimi boıynsha materıaldar men shyǵyn kólemi boıynsha aıyrmashylyqtarǵa
- is boıynsha materıaldardyń Jetkizýshi kompanııalardan naqty alynǵan-alynbaǵanyn dáleldeıtin qujattardyń joqtyǵyna
- sotta «Kaspako» jáne «Bi Global» JShS-niń qyzmetkerleri óz qyzmettik mindetteri men bolǵan jaǵdaı boıynsha durys jaýap bere almaı, materıaldardyń joǵalýyna qalaı jol berilgenin túsindire almaǵanyna
- qyzmetkerlerdiń jumysqa degen jaýapkershiligi joqtyǵyna, óz mindetterine nemquraılylyǵyna qaramastan ZAŃSYZ úkim shyǵardy.
Bul Zańsyz Úkimniń shyǵýyna sol jaýapsyz qyzmetkerler yqpal jasap otyr dep oılaımyn.
Qurmetti Aıdyn Jumadiluly!
Men qazir qorǵaýshymen birge kassaııalyq sotqa shaǵym daıyndaýdamyn. Áli de bolsa ádildik zańdylyq bolady dep úmittenemin.
«Kaspako» jáne «Bi Global» JShS-nde jasalǵan jalǵan qujattardyń negizinde Sottyń Zań talaptaryn buza otyryp shyǵarǵan úkimin qoǵam talqysyna salyp, talqylaý úshin jýrnalısterge aqparat berýge májbúr bolyp otyrmyn. Jáne sottaǵy ádiletsizdikke baǵa berý úshin Senat jáne Májilis depýtataryna joldaýǵa da hat daıyndap jatyrmyn.
Árıne Siz sot úkimi bar eken dep meniń balamnyń taǵdyryna aralaspaýyńyz múmkin.
Biraq Sizdiń holdıngtiń fılıaldary qyzmetkerleriniń qalaı jumys isteıtini týraly aqparat Sizge qyzyq bolar dep oılaımyn.
Memleketten tapsyrystar alyp, áleýmettik qurylystar – mektep, emhana sııaqty iri qurylystardy salyp jatqan holdıngtegi qarjy, materıaldyq qundylyqtarǵa jaýapty adamdardyń jaýapsyzdyǵy týraly, qatań esepte bolýy tıis qujattardyń qalaı bolsa solaı jasalatynyn, tártiptiń joqtyǵy týraly bilýińiz kerek.
Sotta «Kaspako» jáne «Bi Global» JShS-niń meniń balamnan materıaldy qabyldap alyp, nakladnoılarǵa qol qoıyp bergen Ldetaev, Arystanbekov degen qyzmetkerler «ol materıaldardy kórgen joqpyz, Seıdazovqa senip qol qoıdyq» dep jaýap berdi.
Meniń balamdy buryn tanymaıtyn, bilmeıtin, tanystyq-týystyǵy joq adamdar jumysqa jańa kelgen adamǵa senip qalaı mıllıondaǵan aqshanyń qujattaryna qol qoıyp bere beredi? Bul jaýapsyzdyq pa? Jaýapsyzdyq!
Jáne osy jaýapsyzdyqty Sizdiń qyzmetkerlerińiz úshin qalypty jaǵdaı dep sanaıdy eken. Olardyń sotta aıtqany «biz bir-birimizge senip, teksermeı jumys jasaı beremiz». Bul sybaılasyp qylmys jasaýǵa jol ashý!
Eger ol olardyń jeke aqshasy bolsa bári bir, biraq Sizder memlekettiń tapsyrysymen memlekettiń qarjysyna memlekettik mektepter salyp jatyrsyzdar ǵoı. Memlekettiń aqshasy ońdy-soldy shashylyp jatqan joq pa?
Is boıynsha «Meniń balam 2 aı ǵana jumys istep, jumysqa kirmeı-aq mıllıondaǵan teńgeniń materıalyn urlap ketipti. Ýchaske basshysy men joba jetekshisi materıal kirgen-kirmegeni teksermeı, nakladnoıǵa qabyldap aldym dep qol qoıa beripti. Ol urlanǵan materıal býhgalterlik eseppen ótip, aqshasy tólenip ketipti. Odan soń da urlyq jasala beripti, ony eshkim teksermepti, senip júre beripti. Materıal obektige kirdi me, kirmedi me eshkim qaramapty. Ol urlyqty 5 aıdan keıin ǵana anyqtapty».
Sonda bul ne degen qadaǵalaý joq, ashyq-shashyq qurylys?
Jaýapty qyzmetkerler, qaýipsizdik qyzmeti qaıda qaraıdy?
Jalpy materıaldyq qundylyqtar durys esepke alynyp, durys sanalyp, durys alynyp-beriledi me?
Álde anyqtalǵany anyqtalyp, anyqtalmaǵany ońdy-soldy shashylyp ketip jatyr ma? Materıaldar qurylys obektilerine jetip jatyr ma?
Álde qaǵazben on tonna, al naqty bir tonna kirip, sapasyz qurylystar salynyp jatyr ma?
Suraq kóp.
Qyzmetkerlerińiz bul suraqtarǵa jaýap bere almady.
Sot ta bul suraqtarǵa jaýap alýǵa tyryspady.
Sizden jaýap bolatyn shyǵar dep jazyp otyrmyn.
Apellıaııalyq shaǵymda «Kaspako» jáne «Bi Global» JShS-niń qyzmetkerleriniń býhgalterlik esep boıynsha qandaı zańdardy buzyp qujattar jasaǵany, sotta qandaı jaýap bergeni, jalpy osy eki mekemede jumystyń qalaı júretini týraly tolyq sıpattalǵan.
Qajet deseńiz sol qyzmetkerlerdiń sotta bergen jaýaptaryn sottan alyp aýdıo jazba jiberýge de kómektese alamyz.
Kezdesip, is boıynsha mán-jaılardy anyqtap suraǵyńyz kelse, advokatpen birge jeke kezdesýge kelýge daıynbyz.
Osy hatymdy oqyp, mán-jaılardy tekserip, óz qorytyndyńyzdy jasap, pikir bildirýińizdi suraımyn.
Balamnyń isi boıynsha zańdy sheshimge qol jetkizýge yqpal jasaýyńyzdy suraımyn.
Kamıla Nýrmahanova
