Taldyqorǧan qalasy bılım bölımınıŋ jäne mektepterınıŋ 21 buhgalterı qylmystyq top qūrǧan degen küdıkke ılıngen, dep habarlaidy "Adyrna" ūlttyq portaly Skifnews.kz aqparat portalyna sıltep.
Jetısu oblysynyŋ qylmystyq ıster jönındegı mamandandyrylǧan audanaralyq soty biudjet qarajatyn asa ırı mölşerde jymqyrǧandarǧa qatysty şeşım şyǧardy.
"3 jyl boiy Taldyqorǧan bılım bölımınıŋ bas buhgalterı S. ärıptesterınen qūralǧan (7 – bılım bölımı jäne 14 – orta mektep) qylmystyq top ūiymdastyrǧan. Onyŋ basşylyǧymen ūiymdasqan top aldyn ala söz bailasu arqyly jalǧan jūmyskerlerge jäne mektep qyzmetkerlerıne belgılengen lauazymdyq jalaqylarynan tys jalaqy esepteu arqyly 4,5 mlrd teŋgeden astam biudjet qarajatyn jymqyrǧan", - delıngen Joǧarǧy sot habarlamasynda.Ūrlanǧan qarjyǧa jyljymaityn mülık, jer uchaskelerın, avtomobilder, zergerlık būiymdar jäne özge de zattar satyp alynǧan. Qylmystyq ıstıŋ bas figuranttary retınde sanalǧan üş sottaluşy 12 jyldan 15 jylǧa deiın bas bostandyǧynan aiyryldy. Odan bölek, 15 sottaluşy 7 jyldan 11 jylǧa deiın sottaldy. 2 sottaluşy keltırılgen zalaldy tolyq öteuıne bailanysty QK-tıŋ 189-babynyŋ 4-bölıgı 2) tarmaqşasy boiynşa şartty türde 7 jylǧa bas bostandyǧynan aiyryldy. Al bır buhgalterge qatysty qylmystyq ıs onyŋ qaitys boluyna bailanysty aqtalmaityn negızder boiynşa toqtatyldy. Sot ükımı zaŋdy küşıne engen joq.
Ūqsas jaŋalyqtar
