"3 jyl boıy Taldyqorǵan bilim bóliminiń bas býhgalteri S. áriptesterinen quralǵan (7 – bilim bólimi jáne 14 – orta mektep) qylmystyq top uıymdastyrǵan. Onyń basshylyǵymen uıymdasqan top aldyn ala sóz baılasý arqyly jalǵan jumyskerlerge jáne mektep qyzmetkerlerine belgilengen laýazymdyq jalaqylarynan tys jalaqy esepteý arqyly 4,5 mlrd teńgeden astam bıýdjet qarajatyn jymqyrǵan", - delingen Joǵarǵy sot habarlamasynda.
Urlanǵan qarjyǵa jyljymaıtyn múlik, jer ýchaskelerin, avtomobılder, zergerlik buıymdar jáne ózge de zattar satyp alynǵan.
Qylmystyq istiń bas fıgýranttary retinde sanalǵan úsh sottalýshy 12 jyldan 15 jylǵa deıin bas bostandyǵynan aıyryldy. Odan bólek, 15 sottalýshy 7 jyldan 11 jylǵa deıin sottaldy. 2 sottalýshy keltirilgen zalaldy tolyq óteýine baılanysty QK-tiń 189-babynyń 4-bóligi 2) tarmaqshasy boıynsha shartty túrde 7 jylǵa bas bostandyǵynan aıyryldy.
Al bir býhgalterge qatysty qylmystyq is onyń qaıtys bolýyna baılanysty aqtalmaıtyn negizder boıynsha toqtatyldy.
Sot úkimi zańdy kúshine engen joq.
