Jaqynda ASSYLTAS qoǵamdyq qorynyń demeýshiligimen “Habar” arnasynda «Asyl dombyra» jobasynyń jeńimpazy anyqtalǵan bolatyn.
4 aı boıy ótken aqyndar báıgesinde BQO aıtys aqyndary quramasy Jansaıa Mýsına, Muradym Mırlanov, Baýyrjan Shırmedınuly bas júldege ıe boldy. Búgin Oral qalasynda megajoba jeńimpazdaryna asyl tastarmen kómkerilgen dombyra resmı túrde tartý etildi. Jobany uıymdastyrýshylar osy júldeni arnaıy aparyp tabystady. Sharaǵa aqyn Júrsin Erman, Ǵalym Jaılybaı, joba avtory belgili meenat Dýlat Tastekeı, “Habar” AQ tóraǵasy Kemelbek Oıshybaev pen BQO ákimi Narıman Tóreǵalıev qatysty.
Aıta keteıik, «Asyl dombyra» jobasyna barlyq óńirden 20 komanda qatysty. Jobada ot aýyzdy, oraq tildi sýyryp salma alpys aqyn sóz jarysyn qyzdyrdy. BQO quramasy fınalda Pavlodar oblysy aqyndarynan basym túsip, 6 mıllıon teńge jeńip alǵan edi.
