Başqūrtstanda Fail Alsynovty qoldau aksiiasyna qatysqan tört adam ekı aiǧa qamauǧa alynǧan. Alaida ūstalǧandardyŋ bırı qaza tapty, dep habarlaidy "Adyrna" tılşısı "Nastoiaşee Vremia" saityna sılteme jasap.
17 qaŋtarda Baimaq qalalyq sotynda belsendı Fail Alsynovqa tört jyl bas bostandyǧynan aiyryp, abaqtyǧa jabu ükımı oqyldy.
18 qaŋtar künı Başqūrtstandaǧy Baimaq qalasynyŋ on myŋnan asa tūrǧyny sot ǧimaratynyŋ aldyna mitingıge şyqqan. Basylymnyŋ aqparatynşa, 20 şaqty adam medisinalyq kömek alǧan.
19 qaŋtar künı Başqūrtstan astanasy Ufada jüzdegen adamnyŋ qatysuymen ereuıl aksiiasy öttı. Alsynovtyŋ jaqtastaryn polisiia qamauǧa alǧan.
Azattyqtyŋ aqparatynşa, narazylyq bıldıru aksiiasy kezınde ūstalǧandardyŋ bırı Rifat Dautov qaza tapqan. Dautovtyŋ ölımın marqūmnyŋ äpkesı Zaliia Dautova habarlaǧan.
Ol ınısınıŋ Ufada ortalyq alaŋda aksiia ötıp jatqan kezde sol maŋǧa jaqyn jerde bolǧanyn aitady.
Keiınnen 19 qaŋtarda Dautovqa polisiia qyzmetkerı eskertu jasaǧan körınedı. 25 qaŋtar künı qaladan şyqqan Dautovty arnaiy jasaq belgısız jerge alyp ketken. Köp uaqyt ötpei Dautovtyŋ denesın tanuǧa tuystaryn şaqyryp, mäiıthanada olarǧa marqūmnyŋ denesın körsetpegen.
Ūqsas jaŋalyqtar
