Senbı künı, 22 qaraşada Instagram äleumettık jelısınde bırqatar tanymal qazaqstandyq jurnalister men belsendılerdıŋ akkaunttarynda kütpegen özgerıster oryn aldy. Jurnalist Vadim Boreiko men belsendı Sanjar Boqaevtyŋ paraqşalaryndaǧy barlyq jariialanymdar tolyqtai öşırılıp, al jurnalist Ashat Niiazovtyŋ akkaunty müldem qoljetımsız bolyp qalǧan. Būl turaly qūqyq qorǧauşy Baqytjan Töreǧojina aitty, dep habarlaidy "Adyrna".
Jurnalist Vadim Boreiko Facebook jelısınde özınıŋ Instagram-akkauntyndaǧy barlyq kontenttıŋ joiylǧanyn jazdy. Aituynşa, ol paraqşaǧa kıre alady, bıraq onda eşqandai jazba qalmaǧan.
Boreiko soŋǧy uaqytta paraqşasy belsendı damyǧanyn atap öttı: onyŋ 168 myŋ jazyluşysy bolyp, ötken aida videolary 15 millionnan astam qaralym jinaǧan. Jurnalist būl jaǧdaidyŋ byltyr TikTok-taǧy akkauntynyŋ däl osylai öşırıluımen ūqsas ekenın eske saldy.
Sondai-aq ol Instagram men Facebook soŋǧy ailarda onyŋ eskı jazbalaryn «tüsınıksız erejebūzuşylyqtar» sebepterımen jüielı türde alyp tastaǧanyn aitty.
Tanymal jurnalist, «Obojaiu» arnasynyŋ avtory Ashat Niiazovtyŋ Instagram-akkaunty da senbı künı qoljetımsız bolyp qaldy. Būǧan deiın Niiazov 2023 jyldyŋ soŋynda jäne 2024 jyldyŋ basynda barlyq äleumettık jelılerınıŋ būǧattaluymen betpe-bet kelgen edı. Ol kezde şekteuler onyŋ ärıptesterı men tıptı otbasy müşelerınıŋ paraqşalaryna da äser etken.
Sybailas jemqorlyq mäselelerın köterıp jürgen belsendı ärı bloger Sanjar Boqaevtyŋ Instagram-paraqşasyndaǧy barlyq jariialanymdar da tolyq öşırılgen. Belsendınıŋ paraqşasy būryn korrupsiialyq shemalardy äşkereleuge baǧyttalǧan videolarymen tanylǧan edı.
Äzırge atalǧan oqiǧalarǧa qatysty Instagram-nyŋ özı de, jergılıktı organdar da resmi tüsınıkteme bergen joq. Qoǧam belsendılerı būl jaǧdaidy äleumettık jelılerdegı senzura küşeiuınıŋ belgısı retınde baǧalap otyr.
