Almaty qalasynyŋ Almaly audandyq soty Qazaqstanda atom elektr stansiiasyn (AES) saluǧa qarsy şyqqan bes belsendıge ärqaisysyna 4 jylǧa erkındıgın şekteu jazasyn taǧaiyndady. Prokuror aiyptaluşylarǧa 5 jylǧa türme jazasyn sūraǧan bolatyn, dep habarlaidy “Adyrna” ūlttyq portaly Orda.kz saityna sıltep.
Baspasözde Nūrlan Jaulybaev, Janat Qazaqbai, Fazyljan Syzdyqov, Nūrlan Temırǧaliev pen Aidar Mübärakov ülken būzaqylyq ūiymdastyruǧa äreket jasady degen aiyp taǧylǧany eske salyndy.
Tergeu nūsqasy boiynşa, belsendıler bilıkke qarsylyq körsetıp, küş qoldanu, ört qoiu, mülık joiu, qaru-jaraq pen jarylǧyş zattardy paidalanu arqyly tärtıpsızdık ūiymdastyrudy közdegen.
Aiyptaluşylar – zeinet jasyna jaqyndaǧan jäne zeinetkerlık jasyndaǧy er adamdar prokurordyŋ aiyptauymen kelıspedı. Olar tek AES qūrylysyna qarsy şyqqanyn rastady, bıraq būzaqylyq ūiymdastyrudy joqqa şyǧardy. Keibır belsendılerdı azamattyq ūstanymdary üşın qudalap jatqanyna kümändandy. Advokattar küştık qūrylymdardyŋ aiyptauǧa naqty dälelderı joq ekenın qorǧau negızı ettı.
Sot töreşısı Ernar Qasymbekov är bır aiyptaluşyny 4 jylǧa erkındıgın şekteu jazasyna kestı. Ükım oqylǧan soŋ sot zalyndaǧylar qoşemet körsettı, dep tolyqtyrdy BAQ.
2024 jylǧy 6 qazanda AES qūrylysyna qatysty referendum aldynda Almaty, Aqtöbe, Pavlodar, Petropavl, Oral jäne Şymkent qalalary äkımdıkterı atom elektr stansiiasyna qarsy miting ötkızuge rūqsat bermedı. Degenmen azamattar aksiialar ötkızıp, olarda jappai ūstau jaǧdailary oryn aldy. Mysaly, Almatyda 10-nan astam adam polisiiaǧa jetkızıldı, olardyŋ beseuı qylmystyq ıs materialdaryna ılıkken.
2023 jylǧy 7 qazanda Qazaqstan Ortalyq sailau komissiiasy eldegı dauys bergenderdıŋ 71%-nan astamy AES qūrylysy ideiasyn qoldaǧanyn habarlady.
