Qostanaıdyń turǵyndary osyndaı jantúrshigerlik áreketke kýá boldy, dep habarlaıdy EK.
Bul týraly óziniń Instagram paraqshasynda Qostanaıdyń turǵyny Evgenııa Artanj jarııalaǵan. Onyń aıtýynsha, bul oqıǵa Ýrojaınaıa kóshesindegi alty qabatty úıdiń qasynda, demalys kúnderi bolǵan.
"Ittiń janyn qoıarǵa jer tappaı qyńsylaǵan daýysy aýlany jańǵyrtty. Turǵyndardyń bári úreıi ushyp, syrtqa atyp shyqty. Úsh eresek adam, ishinde bizdiń aýlada turatyn zeınetker de bar, alty qabatty úıdiń qasynda qapshyqty balǵamen urǵylap jatqanyn kórdik. Turǵyndar polıııa shaqyryp, ıtti qutqarmaq boldy. Alaıda, olar ıtti óltirip tastady. "Munyńyz ne?" degen bizge ıesi: "bul taýyq jep júr" dep qysqa qaıyrdy, — dep jazady Evgenııa.
Beınejazbada er adamdardyń ıtti qalaı azaptap óltirgeni túsirilmegen. Alaıda qoldaryna balǵa ustap, qapshyqqa salyp áketip bara jatqanyn anyq kórýge bolady.
Oqıǵa kýágeri qyz bala adamdardyń munshalyqty jaýyzdyǵynan jany túrshikkenin aıtady.
Polıııa departamenti materıal tirkelgenin málimdedi.
Qazirgi tańda ýchaskelik polıııa qyzmetkeri olardy jaýapqa tartý úshin beınejazbadaǵy adamdardyń jeke basyn anyqtap jatyr, — deıdi oblystyq PD baspasóz qyzmeti.
