10 mausymda "Qūrylysmet" JŞS aumaǧynda "ArselorMittal Temırtau" AQ qyzmetkerlerımen jazataiym oqiǧa oryn aldy. Būl turaly Qaraǧandy oblysynyŋ äkımdıgı mälımdedı, dep habarlaidy “Adyrna” ūlttyq portaly.
“Otqa tözımdı kırpış qalauyn bölşekteu kezınde ūsta-press sehynyŋ № 9 jūmys ıstemeitın termiialyq peşınde töbe qūlady. Peş kümbezınıŋ qūlauy nätijesınde (kölemı 5h5h10 m) üiındılerdıŋ astynda bes adam qaldy. Olardyŋ törteuı qaitys boldy, bıreuı 1994 jyly tuǧan er adam auruhanaǧa jetkızıldı”, delıngen habarlamada.
Qazırgı uaqytta Qaraǧandy oblysy TJD qūtqaruşylary (27 adam jäne 7 bırlık tehnika) jäne "Serıktes Ört Söndıruşı" JŞS qyzmetkerlerı (10 adam jäne 2 bırlık tehnika) üiındılerdı arşuda.
Oqiǧa ornynda Qaraǧandy oblysynyŋ äkımı Jeŋıs Qasymbek, TJD jäne önerkäsıptık qauıpsızdık basşylary bar.
QR Eŋbek kodeksınıŋ talaptaryna säikes eŋbek jönındegı uäkılettı organnyŋ ökımımen komissiia qūrylady jäne jazataiym oqiǧaǧa arnaiy tekseru jürgızıledı. Nätijeler turaly qosymşa habarlanatyn bolady.
”Adyrna” ūlttyq portaly
