10 maýsymda "Qurylysmet" JShS aýmaǵynda "ArselorMıttal Temirtaý" AQ qyzmetkerlerimen jazataıym oqıǵa oryn aldy. Bul týraly Qaraǵandy oblysynyń ákimdigi málimdedi, dep habarlaıdy “Adyrna” ulttyq portaly.
“Otqa tózimdi kirpish qalaýyn bólshekteý kezinde usta-press ehynyń № 9 jumys istemeıtin termııalyq peshinde tóbe qulady. Pesh kúmbeziniń qulaýy nátıjesinde (kólemi 5h5h10 m) úıindilerdiń astynda bes adam qaldy. Olardyń tórteýi qaıtys boldy, bireýi 1994 jyly týǵan er adam aýrýhanaǵa jetkizildi”, delingen habarlamada.
Qazirgi ýaqytta Qaraǵandy oblysy TJD qutqarýshylary (27 adam jáne 7 birlik tehnıka) jáne "Seriktes Órt Sóndirýshi" JShS qyzmetkerleri (10 adam jáne 2 birlik tehnıka) úıindilerdi arshýda.
Oqıǵa ornynda Qaraǵandy oblysynyń ákimi Jeńis Qasymbek, TJD jáne ónerkásiptik qaýipsizdik basshylary bar.
QR Eńbek kodeksiniń talaptaryna sáıkes eńbek jónindegi ýákiletti organnyń ókimimen komıssııa qurylady jáne jazataıym oqıǵaǵa arnaıy tekserý júrgiziledi. Nátıjeler týraly qosymsha habarlanatyn bolady.
”Adyrna” ulttyq portaly
