8-13 qarasha aralyǵynda Ózbekstanda ál-Ferganı atyndaǵy halyqaralyq fızıka olımpıadasy ótti, dep habarlaıdy "Adyrna" ulttyq portaly.
QR Bilim jáne ǵylym mınıstrliginiń málimetinshe, zııatkerlik saıysqa álemniń 18 elinen, sonyń ishinde Reseı, Ázirbaıjan, Belarýs, Rýmynııa jáne t.b. 130 bala qatysty.
Baıqaý jazbasha jáne praktıkalyq jumystardan turatyn eki kezeńnen turdy.
Ulttyq qurama Qazaqstanǵa eki «altyn», alty kúmis jáne úsh qola medal ákeldi. Álisher Erkebaev pen Nurdáýlet Nazarbaev jeńimpaz atandy. Kúmis júlde Danııl Shatohın, Orazhan Haıdar, Dinmuhammed Sapybek, Erdáýlet Nahıp, Bernard Shamǵonov, Dıas Espanǵa buıyrdy. Beksultan Shárip, Asqar Qasymov jáne Nurjan Hasenov «qola» aldy.
Mektep oqýshylary ózderiniń jeńisterin týǵan el Táýelsizdiginiń 30 jyldyǵyna arnaǵany atap ótildi.
Olımpıadadaǵy básekelestik óte joǵary boldy, óıtkeni qatysýshylardyń kópshiligi Halyqaralyq fızıka olımpıadasynyń (IPhO) reıtınginde jetekshi oryndarda. Bizdiń jigitter tamasha nátıje kórsetip, Qazaqstandy álemdik arenada laıyqty tanytty. Qazir Bilim jáne ǵylym mınıstrliginiń «Daryn» ortalyǵy oqýshylarymyzdyń halyqaralyq olımpıadalarǵa qatysýyna barlyq jaǵdaı jasaý úshin túrli deńgeıdegi olımpıadalar ótkizý boıynsha jumystar júrgizýde», - dedi Qazaqstan Respýblıkasynyń bilim jáne ǵylym mınıstrligiń mektepke deıingi jáne orta bilim komıtetiniń tóraıymy Gúlmıra Kárimova.
"Adyrna" ulttyq portaly
