8-13 qaraşa aralyǧynda Özbekstanda äl-Fergani atyndaǧy halyqaralyq fizika olimpiadasy öttı, dep habarlaidy "Adyrna" ūlttyq portaly.
QR Bılım jäne ǧylym ministrlıgınıŋ mälımetınşe, ziiatkerlık saiysqa älemnıŋ 18 elınen, sonyŋ ışınde Resei, Äzırbaijan, Belarus, Rumyniia jäne t.b. 130 bala qatysty.
Baiqau jazbaşa jäne praktikalyq jūmystardan tūratyn ekı kezeŋnen tūrdy.
Ūlttyq qūrama Qazaqstanǧa ekı «altyn», alty kümıs jäne üş qola medal äkeldı. Älışer Erkebaev pen Nūrdäulet Nazarbaev jeŋımpaz atandy. Kümıs jülde Daniil Şatohin, Orazhan Haidar, Dınmūhammed Sapybek, Erdäulet Nahip, Bernard Şamǧonov, Dias Espanǧa būiyrdy. Beksūltan Şärıp, Asqar Qasymov jäne Nūrjan Hasenov «qola» aldy.
Mektep oquşylary özderınıŋ jeŋısterın tuǧan el Täuelsızdıgınıŋ 30 jyldyǧyna arnaǧany atap ötıldı.
Olimpiadadaǧy bäsekelestık öte joǧary boldy, öitkenı qatysuşylardyŋ köpşılıgı Halyqaralyq fizika olimpiadasynyŋ (IPhO) reitingınde jetekşı oryndarda. Bızdıŋ jıgıtter tamaşa nätije körsetıp, Qazaqstandy älemdık arenada laiyqty tanytty. Qazır Bılım jäne ǧylym ministrlıgınıŋ «Daryn» ortalyǧy oquşylarymyzdyŋ halyqaralyq olimpiadalarǧa qatysuyna barlyq jaǧdai jasau üşın türlı deŋgeidegı olimpiadalar ötkızu boiynşa jūmystar jürgızude», - dedı Qazaqstan Respublikasynyŋ bılım jäne ǧylym ministrlıgıŋ mektepke deiıngı jäne orta bılım komitetınıŋ töraiymy Gülmira Kärımova.
"Adyrna" ūlttyq portaly
Ūqsas jaŋalyqtar
