Búgin – Jeltoqsan qurbandaryn eske alý kúni, dep habarlaıdy "Adyrna" tilshisi.
17 jeltoqsan - 1986 jyly Jeltoqsan oqıǵasyna qatysqandardy eske alý kúni. Qazaq halqynyń azamattyq jáne saıası pozıııasyn aıqyn ańǵarta bilgen, el esinde "86-nyń jeltoqsany" degen atpen qalǵan qandy qyrǵynda opat bolǵan jastardyń arýaǵyna syıynyp, quran oqylady.
Jeltoqsannyń 17-i kúni tańerteńgi saǵat 8-de qaladaǵy sol kezdegi L.I.Brejnev atyndaǵy alańǵa (red. qazirgi Respýblıka alańy) saıası táýelsizdikti talap etken uranmen 300-deı adam jınalǵan bolatyn. Sol kúni keshkisin ereýilshiler sany 20 myńǵa jetken.
Jeltoqsan kóterilisi qurbandarynyń qatarynda E.Sypataev, S.Muhamedjanova, K.Moldanazarova, Q.Rysqulbekov, M.Ábdiqulov, L.Asanova syndy qazaq jastary bar.
Sondaı-aq, 1991 jyly 12 jeltoqsanda Qazaqstan Respýblıkasynyń eks-prezıdenti Nursultan Nazarbaevtyń "Qazaqstandaǵy 1986 jylǵy 17-18 jeltoqsandaǵy oqıǵalarǵa qatysqany úshin jaýaptylyqqa tartylǵan azamattardy aqtaý týraly" Jarlyǵynyń 4-tarmaǵy boıynsha jeltoqsannyń 17-si "Qazaqstan Respýblıkasynyń Demokratııalyq jańarý kúni" dep jarııalandy.
