Bügın – Jeltoqsan qūrbandaryn eske alu künı, dep habarlaidy "Adyrna" tılşısı.
17 jeltoqsan - 1986 jyly Jeltoqsan oqiǧasyna qatysqandardy eske alu künı. Qazaq halqynyŋ azamattyq jäne saiasi pozisiiasyn aiqyn aŋǧarta bılgen, el esınde "86-nyŋ jeltoqsany" degen atpen qalǧan qandy qyrǧynda opat bolǧan jastardyŋ aruaǧyna syiynyp, qūran oqylady.
Jeltoqsannyŋ 17-ı künı taŋerteŋgı saǧat 8-de qaladaǧy sol kezdegı L.İ.Brejnev atyndaǧy alaŋǧa (red. qazırgı Respublika alaŋy) saiasi täuelsızdıktı talap etken ūranmen 300-dei adam jinalǧan bolatyn. Sol künı keşkısın ereuılşıler sany 20 myŋǧa jetken.
Jeltoqsan köterılısı qūrbandarynyŋ qatarynda E.Sypataev, S.Mūhamedjanova, K.Moldanazarova, Q.Rysqūlbekov, M.Äbdıqūlov, L.Asanova syndy qazaq jastary bar.
Sondai-aq, 1991 jyly 12 jeltoqsanda Qazaqstan Respublikasynyŋ eks-prezidentı Nūrsūltan Nazarbaevtyŋ "Qazaqstandaǧy 1986 jylǧy 17-18 jeltoqsandaǧy oqiǧalarǧa qatysqany üşın jauaptylyqqa tartylǧan azamattardy aqtau turaly" Jarlyǧynyŋ 4-tarmaǧy boiynşa jeltoqsannyŋ 17-sı "Qazaqstan Respublikasynyŋ Demokratiialyq jaŋaru künı" dep jariialandy.
Ūqsas jaŋalyqtar
saiasi quǧyn sürgın qūrbandary
jeltoqsan jelı
jeltoqsan oqiǧasy
Demokratiialyq jaŋaru künı
17 jeltoqsan
