Men ol kezderde (1986j) Almaty et ónimderin óńdeý zaýytynyń dırektorymyn, zaýytta 3500-den astam jumysshy boldy.
Zaýyttaǵy jumysshylardyń 60 paıyzdan astamy 18-30 aralyǵyndaǵy jastar bolatyn.
1986 jylǵy 16-18 jeltoqsandaǵy qazaq jastarynyń kóterilisinen keıin Almaty oblystyq, qalalyq partııa komıtetteriniń nusqaýymen, zaýyttyń jastaryn belgili qoǵam qaıratkerlerimen, aqyn-jazýshylarymen kezdesý uıymdastyryp, jastardy ınternaıonaldy patrıottyq rýhta tárbıeleý maqsatynda bizdiń zaýyttyń jastarymen belgili aqyn aǵamyz Muhtar Shahanov kezdesti (sýrette Muhtar aǵamyzben kezdesýden keıingi sát).
1986 jyly Jeltoqsan oqıǵasynan keıin Almaty qalasyndaǵy oqý oryndarynan myńdaǵan stýdentter shyǵaryldy.
KazUÝ-diń bip top ul-qyzdary meniń qabyldaýymda bolyp jumysqa alýymdy ótindi.
Meniń júregim aýyryp ketti, qalaıda bolsa bul jastardy jumysqa qabyldaý kerek dep sheshim qabyldadym. Oqýdan shyǵarylǵan stýdentterdi(QazUÝ-dan) jumysqa qabyldadym.
17-20 jas arasyndaǵy jastardyń kózderinen ójettik ot jalyndary sezilip turady, men olardyń osyndaı qaısar minezderine óte rıza boldym!
Arada eki-úsh aı ótpeı-aq meniń ústimnen domalaq aryzdar joǵarǵy jaqqa jetip, meni jeltoqsandyqtardy qoldady jáne qorǵady, jumysqa kabyldady dep tekseris bastalady. Meni tekserýge arnaıy komıssııa quryldy: Qazaqstan ortalyq partııa komıtetiniń nusqaýshysy Zoıa Nýrlybaeva, Almaty oblystyq partııa komıtetiniń ekinshi hatshysy ıkota, Almaty kalalyk partııa komıtetiniń hatshysy Hmyzov, t.b. jaýapty qyzmetkerler boldy. 10-15 kúnnen keıin komıssııa tekserýinin sheshimimen meni qyzmetimnen bosatyp, KPSS músheliginen shyǵarý kerek dep tapty. Biraq bizdiń partkom músheleri, meni KPSS músheliginen shyǵarýǵa qarsy boldy. Partkom májilisin Zoıa Nýrlybaeva basqaryp, alty saǵatqa sozylǵan májilis, bipneshe ret daýysqa salyp, maǵan “kommýnıstik jeke kartochkasyna qatań sógis jazylsyn” dep sheshim shyǵardy. (Z.Nurlybaevanyń qatań talaby boıynsha).
15 kún jumyssyz úıde boldym, sodan keıin konstrýktorlyq bıýroǵa qatardaǵy ınjener-konstrýktor bolyp bip jyl qyzmet atqardym. Dırektorlyq qyzmetten bosatqandaǵy buıryqta - partııa komıtetiniń sheshimine sáıkes dep jazylypty. Eńbek kodeksinde mundaı bap joq!
Bip jyldan keıin sot sheshimimen zaýyt dırektory qyzmetine qaıta oraldym.
Osylaısha bir jyl boıy taǵdyrdyń tálkeginde boldym. Bul - 1987 jyl bolatyn. Osydan 50 jyl buryn meniń ákem Uzaqov Málik 1937 jyly baıdyń, bolystyń balasy, halyq jaýy dep on jylǵa sovettik konlagerge aıdalyp, taǵdyr tálkegine túsken edi!
Taǵdyr degen osyndaı!!!
Iasın Malıkovıch
