Täuelsızdık künı qarsaŋynda elordada «AMANAT» partiiasynyŋ dästürlı «Ūly dala» respublikalyq şyǧarmaşylyq baiqauy qorytyndylandy. Biyl ädebi doda Alaş qozǧalysynyŋ qairatkerı, aqyn, pedagog Maǧjan Jūmabaevtyŋ 130 jyldyǧyna arnaldy.
Söz basynda Mäjılıs Spikerı, «AMANAT» partiiasynyŋ Töraǧasy Erlan Qoşanov ūlttyq müddege sai keletın kıtaptardy köptep basyp şyǧaru mäselesı ärdaiym Memleket basşysy Qasym-Jomart Toqaevtyŋ nazarynda ekenın jäne memleket, partiia tarapynan mädenietke, ädebietke qoldan kelgenşe kömek körsetıle beretının atap öttı.
«Ädebiettegı jas buyn üşın «Ūly dala» baiqauy aituly oqiǧaǧa ainaldy dep oilaimyn. Osy maŋyzdy ıs-şarany jyl saiyn Täuelsızdık künıne orailastyryp ötkızemız. Öitkenı, ūlt täuelsızdıgınıŋ ruhani tıregı – onyŋ tılı men ädebietı, mädenietı. Bız öz tarapymyzdan sızderdı qoldauǧa ärdaiym äzırmız», – dedı ol.
Erlan Qoşanovtyŋ pıkırınşe, qazır qoǧamdyq keselge ainalǧan esırtkı, ludomaniianyŋ beleŋ aluy «ruhani qalqannyŋ» bolmauynan. Sondyqtan oqyrmanǧa osy zamannyŋ bolmysyn beineleitın tyŋ tuyndylar, obrazdar men jaŋa keiıpkerler kerek. Töraǧa kıtapsüier qauym jaŋa tolqyn qalamgerlerden salmaqty, maǧynaly dünieler kütıp otyrǧanyn aitty.
«Bız kıtappen ömır sürdık. Ädebiet bızge moraldyq, ruhani qalqan boldy. Al ruhani qalqan degenımız ne? Ol – jastardy, öskeleŋ ūrpaqty dūrys jolǧa baǧyttap, būrys joldan saqtaityn qūndylyqtarymyz. Būryn qoǧamdy kıtap tärbielese, qazır internet pen köşe tärbielep jatyr. Mūnyŋ joly – jas ūrpaqty otanşyldyqqa, ızgılıkke, adamgerşılıkke tärbieleu. Al, ol qūndylyqtardyŋ bärı – kıtapta, ädebiette. Būl turaly Memleket basşysy da ärdaiym aityp keledı», – dedı «AMANAT» partiiasynyŋ Töraǧasy.
Atalǧan konkurs osymen törtınşı ret ötkızılıp otyr. Biyl ädebi dodanyŋ oblystyq ırıkteuı ūiymdastyrylyp, baiqauǧa bas-aiaǧy 300-den astam şyǧarma kelıp tüstı. Onyŋ 170-ı aqtyq kezeŋge joldama aldy.
«Ūly dala» baiqauyna «Ädebi syn» nominasiiasyn engızu – ülken jaŋalyq boldy. Jalpy, ädebi syn bolmaiynşa, ädebiet damymaidy. Baiqauǧa bır emes, bırneşe material kelıp tüstı. Onyŋ bärın oi elegınen ötkızıp, laiyqty baǧasyn berdık. Sondyqtan būl janrǧa keleşekte barynşa köŋıl bölu kerek», – dedı qazylar alqasynyŋ müşesı, ädebi synşy Amangeldı Keŋşılıkūly.
Sonymen, «Poeziia» nominasiiasy boiynşa bırınşı oryndy Ūmtyl Zaryqqan, ekınşı oryndy Aizada Rahymjanova, üşınşı oryndy Erbol Alşynbai ielendı.
«Proza» nominasiiasynda bırınşı orynǧa Baqytbek Qadyr, ekınşı orynǧa Saian Seksenbaev, üşınşı orynǧa Merei Qainarūly laiyq dep tanyldy.
«Balalarǧa arnalǧan şyǧarma» nominasiiasy boiynşa bırınşı oryndy Nūrbek Keŋesbai, ekınşı oryndy Abai Orynbai, üşınşı oryndy Aqmaral Omarova qanjyǧalady.
«Dramaturgiia» nominasiiasynda bırınşı oryndy Qanat Tıleuhan, ekınşı oryndy Taibek Abdullin, üşınşı oryndy Quat Qiyqbai jeŋıp aldy.
«Ädebi syn» nominasiiasy boiynşa bırınşı oryn Bırjan Ahmerge, ekınşı oryn Anar Abdullinaǧa, üşınşı oryn Meiır Orazǧalievke būiyrdy.
Sonymen qatar, «Alaş amanaty» arnaiy syilyǧyn zertteuşı-ǧalym Baqtiiar Bäteu, «Maǧjan Jūmabaevtyŋ 130 jyldyǧy» arnaiy syilyǧyn arnaiy syilyǧyn aqyn, satirik Abylai Maudanov ielendı.
«Qazır ädebietpen käsıbi ainalysuǧa mümkındık az. Bırınşıden, qalamaqy mäselesı şeşılgen joq, ekınşıden bızde kıtap naryǧy älı qalyptaspai jatyr. Äitkenmen, osy olqylyqtyŋ belgılı bır bölıgın ädebi baiqaular toltyryp otyr. Būl qadam şyǧarmaşyl jastardy jazuǧa yntalandyrady. Sondyqtan, osyndai ädebi baiqaulardy üzbei, jyl saiyn ötkızıp tūru kerek»,– dedı baiqau jeŋımpazy, jazuşy Baqytbek Qadyr.
