Seısmologtar Stambýl mańyndaǵy jer silkinisinen keıin 20-dan astam aftershokty tirkedi, dep habarlaıdy "Adyrna" ulttyq portaly.
Eýropa-Jerorta teńizi seısmologııa ortalyǵynyń (EMSC) málimetinshe, Mármár teńizi mańyndaǵy 6,2 magnıtýdaly negizgi zilzaladan keıin birneshe saǵat ishinde magnıtýdasy 5,0-den 1,6-ǵa deıingi aralyqta 20-dan astam aftershok bolǵan.
Qaıtalanǵan jerasty dúmpýleri Stambýl men oǵan jaqyn ornalasqan óńirlerde sezilgen. Sarapshylar aftershoktar birneshe kúnge sozylýy múmkin ekenin aıtyp, qaýipsizdik sharalaryn saqtaýǵa shaqyrýda.
Buǵan deıin 23 sáýir kúni jergilikti ýaqytpen 12:49-da Sılıvrı qalasynan ońtústikke qaraı 26 shaqyrym jerde 6,2 magnıtýdaly kúshti jer silkinisi tirkelgen bolatyn.
Jer silkinisi Túrkııanyń Tótenshe jaǵdaılar jáne tabıǵı apattardyń saldaryn joıý basqarmasy (AFAD) málimetine sáıkes, Stambýl, Tekırdag, Ialova, Býrsa jáne Balykesır provınııalarynda sezildi. Qaza tapqandar men qıraǵan ǵımarattar týraly aqparat túspegen.
Sondaı-aq, Túrkııa parlamentiniń spıkeri Nýman Kýrtýlmýsh tabıǵı apatqa daıyn bolýǵa shaqyrdy.
"Stambýlda kútiletin jer silkinisi tabaldyryqta tur. Bizdiń mekemelerimiz, halqymyz – barlyǵymyz mundaı apatty eń az shyǵynmen eńserýge daıyn bolýymyz kerek", – dedi ol.
