2025 jyldyń qańtar-naýryz aılary aralyǵynda Qazaqstan ortalyq Qytaıdaǵy Hýnan provınııasynda óndirilgen relstik kólikke arnalǵan jabdyqtardy ımporttaýda jetekshi elge aınaldy, dep habarlaıdy "Adyrna" ulttyq portaly. Bul týraly Hýnan provınııasynyń halyq úkimetiniń resmı saıtynda aıtyldy.
Chansha kedeniniń derekterine sáıkes, 2025 jyldyń birinshi toqsanynyń qorytyndysy boıynsha Hýnan provınııasynan relstik kólikke arnalǵan jabdyqtardyń eksporty 45,3 paıyzǵa artyp, jalpy somasy 340 mln ıýanǵa jetken. Bul jabdyqtardy eń kóp ımporttaǵan elder qatarynda Qazaqstan, Germanııa jáne Gonkong arnaıy ákimshilik aýdany bar. Olardyń úlesi sáıkesinshe 15,7%, 14% jáne 11,6% qurady.
Atap aıtqanda, Qazaqstanǵa relstik kólikke arnalǵan jabdyqtar eksportynyń kólemi 52,83 mln ıýanǵa jetip, ótken jyldyń osy kezeńimen salystyrǵanda 505 ese ósken.
Bul saladaǵy iri jetkizýshilerdiń biri – Hýnan provınııasyndaǵy Chjýchjoý lokomotıv jasaý kompanııasy.
Ol Qytaıdyń CRRC lokomotıv jasaý korporaııasynyń quramyna kiredi jáne elektrovozdar, qalalyq relstik kólikke arnalǵan vagondar men joǵary jyldamdyqtaǵy poıyzdar shyǵarady. Qazirgi tańda kompanııanyń el ishinde jáne shetelde 34 enshiles kásiporny bar.
