Täuelsızdık alǧannan keiın elımızde islam dını qaita örkendedı, köptegen meşıtter boi köterdı. Sonymen qatar islamnan bölek atyn būryn soŋdy estıp körmegen är türlı dınder paida boldy. Äu basta dınge oŋ közqarastaǧy azamattar keibır aǧym ökılderınıŋ äreketınen keiın keibır dınge nege suyp qaldy?
Sebebı är türlı aǧymdardyŋ ökılderı saltanatty jiynda änūrandy oryndamai, tıptı balasyn äskerge jıberuge qarsy boldy. Sodan keiın adamdardyŋ arasynda memlekettık änūranǧa qūrmet körsetpeitın «Būl qandai dın?» degen sūraq tuyndady. Sondai-aq azamattardyŋ Otan aldyndaǧy boryşyn öteudı qajet dep tappaityn äreketı köpşılıktıŋ dıni aǧymdardan köŋılın suytty. Eger dın adamdary Ata zaŋdy, Konstitusiiany qūrmettese, mūndai jaǧymsyz jaǧdai boluşy ma edı? Būl sūraqqa belgılı dıntanuşy Baqytjan Saterşinov jauap berdı.
«Jalpy dın degenımız memleketke baǧynuy kerek. Sebebı memlekettıŋ qauıpsızdıgı aldynǧy qatarda tūrady. İslam dınıne keletın bolsaq, elımızde Qazaqstan mūsylmandar dıni basqarmasy bar. Sondai-aq elımızde özge dınderdıŋ dıni bırlestıkterı jūmys ısteidı. Menıŋ bıluımşe, solardyŋ ışınde protestanttyq baǧyttaǧy jaŋa dıni aǧymdar azamattardyŋ äskerge baryp, Otan aldyndaǧy boryşty ötegenge qarsy. Sonymen qatar bızdıŋ islam dınınıŋ ışınde de radikaldy közqarasty ūstanatyn dıni toptar bar. Olar zaiyrly memlekettı moiyndamai, Konstitutsiianyŋ ornyna şariǧatpen jüru kerek deidı. Iаǧni olar ainalyp kelgende islami memleket qūrudy qoş köredı. Būl endı jalpy mūsylman jamaǧatyna qatysty emes, keibır toptardyŋ oilary bolyp sanalady. Al Qazaqstan mūsylmandar dıni basqarmasyna baǧynatyn azamattarda mūndai radikaldy, böten közqaras joq», – deidı dıntanuşy.
Azamattardyŋ änūrandy oryndamai qoiuuy qauıptı me? Baqytjan Saterşinov memlekettık rämızderge qūrmet boluy kerek ekenın eskerttı. «İslam dınınde «Otandy süiu imannan» dep aitylady. Tuǧan jerge degen mahabbat Mūhamed paiǧambardyŋ hadisterınde aitylady. Onyŋ üstıne adamzatty Alla Taǧala är türlı ūltqa bölıp jaratqannan keiın olardyŋ özınıŋ otany men jerı bar. Sol sebeptı änūran sekıldı memlekettık rämızderge qūrmet bolu kerek. Mysaly keide jerde jatqan tiyndy köterıp alyp jatamyz. Ol aqşany paida tabu üşın köterıp alyp jatqan joqpyz, tek tiynda memlekettık rämız bolǧannan keiın ol aiaq-asty bolmasyn dep köterıp alamyz. Būl degen söz azamattyŋ öz elıne degen patriottyq sezımınıŋ bar ekenın körsetedı», – dedı dıntanuşy.
«Adyrna» ūlttyq portaly
