Ánshi Indıra Rasylhan psıhologııamen aınalysqany úshin oqyrmandarynan keshirim surap, aldaǵy ýaqytta án aıtpaıtynyn resmı túrde jarııalady, dep habarlaıdy «Adyrna» ulttyq portaly.
«Osy ýaqytqa deıin sizderdiń aldaryńyzǵa ánshi Indıra boldym. Ánshi retinde sizderdiń qurmetterińizdi, kóńilderińizdi jaýlap alýǵa tyrystym. Sizderdiń kóńilderińizdi ónerimmen jaýlap alǵanym úshin keshirim suraımyn. Psıhologııalyq maqsatta sizdermen jumys istep jatqanyma 3 jyldyń kólemi boldy. Psıhologııa bir bilim ǵoı. Biraq bul Alladan emes, batystan kelgen bilim. Osy psıhologııa arqyly kóp nárseni túsindim, - dedi ánshi Instagram paraqshasynda.
Ánshiniń aıtýynsha, ol aýyr synaqty bastan ótkergen. Endi ol án shyrqamaıtynyn aıtty.
Posmotret etý pýblıkaııý v Instagram
«Men adasý, qatelik jasaý arqyly Allany taptym. Qazir qandaı jaǵdaı bolsa da, tek duǵa etemin. Men úlken synaqtan óttim. Qıyn kezeńnen óttim. Qazir óz-ózime keldim. Sizderdi aldap júrgendeı sezindim. Rasynda aldadym. Men Alladan kelgen bilimdi emes, adamdar oılap tapqan tehnıkany sizderge berdim. Júrekterińizge psıholog retinde jol tapqan bolsam, keshirim suraımyn. Men resmı túrde málimdeme jasaǵym kelip otyr, budan keıin án aıtpaımyn, - dedi Indıra Rasylhan.
«Adyrna» ulttyq portaly
