Bügın Almaty qalasynda hostelde bolǧan örtten 13 adam qaza tapty. Qaza tapqandardyŋ toǧyzy – Qazaqstan azamaty bolsa, qalǧany şeteldıkter. Ai aman, jūrt tynyşta, 13 adamnan airyludyŋ sebebı nede boluy mümkın? Osy jäne özge de sūraqtardy Almaty qalasynan Mäjılıske sailanǧan deputat Ermūrat Bapige qoidyq.
– Endı būl, turasyn aitu kerek, qastyq nemese zūlymdyqtan tuǧan dünie emes. Ömırde neşe türlı oqys jaǧdailar bolady. Būl endı oraşolaqtyq, kemşılık bolar, oqys oqiǧanyŋ saldary dep qabyldau kerek. Zalaldan tuǧan dünie emes dep oilaimyn. Bıraq osynyŋ qorytyndysyn zerttei, baqylai kele, qalalyq äkımdık pen tötenşe jaǧdailar turaly vedomostvalar sabaq alu kerek dep oilaimyn.
– Bıraq būl jerde jemqorlyq mäselesı joq pa?
– Ol jekemenşık qonaq üi ǧoi. Jekemenşık jerde qandai jemqorlyq boluy mümkın. Bılmeimın men de.
– Mysaly hosteldıŋ bölmelerı jertölede bolmau kerek eken. Oǧan rūqsat berudıŋ özı qanşalyqty zaŋdy?
– Endı, endı ondai jaǧdailardyŋ boluy mümkın. Jertölede adamdar tūratyn mümkındık joq qoi. Baqylauşy organ men jekemenşık hosteldıŋ qojaiyny arqyly tergelıp, zertteledı dep oilaimyn.
– Atalǧan hostel eks-prezidenttıŋ küieu balasy Timur Qūlybaev basqaratyn Halyq banktıŋ menşıgınde dep jatyr. Būl kezdeisoq jaǧdai ma?
– Menıŋ oiymşa, hosteldı äldebır kompaniia Halyq bankten nesie alyp, qaryzyn qaitarmaǧan soŋ banktıŋ menşıgıne ötken bolu kerek. Äitpese monstr bankke hostel aşyp, paida tabudyŋ asa qajetı joq. Şamasy kepıldıkke qoiylǧan ǧimarat Halyq bankke ötken boluy kerek.
– Ündıstan pen Päkıstan jäne Qazaqstannyŋ azamattary qaza tapty. Studentterdıŋ hostelde jatuy nenı bıldıredı?
– Jalpy hostel degen dünie älemdık tanym deŋgeiınde jaman emes. Iаǧni, äleumettık qonaq üi bolyp sanalady. Şet elge barǧanda özım de hostelde jatqan kezım bolǧan. Onyŋ eşqandai da äbestıgı joq. Onyŋ hostel degen aty sūmyrai sekıldı bolyp estıledı. Tüptep kelgende oǧan qoly jetken adam baryp, qonady.
– Ükımet jatahana mäselesın şeşse, mūndai qaiǧyly jaǧdai bolmas pa edı?
– Ärine, qazır jatahana mäselesı köterılıp jatyr. Jatahana tūrmaq halyqtyŋ baspana mäselesı şeşılmei jatqan kezde, mūny tızege salyp, sūraq qoiatyn mäsele emes. Bızdıŋ elde äleumettık mäsele köp. Onyŋ bırı – jatahana mäselesı. Studentter küzde oquǧa kelgen uaqytta päter tappai, vokzalǧa qonyp jüretının jaqsy bılemız. Elımızdegı 100 myŋ studenttı jatahanamen qamtamasyz etu – qazırgı ekonomikalyq jaǧdaida mümkın emes.
– Qaza tapqan azamattardyŋ ışınde şeteldık azamattar bar eken. Būl elımızdıŋ imidjıne qalai äser etedı?
– Ört şyqqan oqys dünieden eldıŋ imidjı qūlap ketedı dep oilamaimyn. Ony memlekettık organ nemese memlekettık qyzmetker örtegen joq qoi. Aiaq astynan bolǧan dünie. Sondyqtan mūndai jaǧdai tūrmysta, ömırde bolyp tūratyn jaǧdai. Ärine, memlekettık bilık tarapynan köŋıl aityp, Päkıstan halqyna bır jauabyn beru kerek. Bıraq osyǧan bola bızdıŋ eldıŋ imidjı etekke tüsıp ketedı dep oilamaimyn.
Serık Joldasbai
«Adyrna» ūlttyq portaly
