Almatyda Ál-Farabı dańǵylynda qoqys tasıtyn kóliktiń kabınasy órtendi, dep habarlaıdy "Adyrna" ulttyq portaly derekkózge siltep.
Oqıǵa 5 qarasha kúni saǵat 16:25-te bolǵan.
1991 jyly shyǵarylǵan «MAN» markaly qoqys tasıtyn kóliktiń qozǵaltqysh bóligi men kabınasy 4 sharshy metr aýmaqta órtke orandy, - dep habarlady Almaty qalasy Tótenshe jaǵdaılar departamenti.
Órttiń shyǵýyna qozǵaltqysh bóligindegi qysqa tuıyqtalý sebep bolǵan.
Órt 16:53-te sóndirildi. Qurbandar men zardap shekkender joq», - dep habarlady vedomstvodan.
Vedomstvo kólik quraldarynyń ıelerine avtokólikterdiń tehnıkalyq jaǵdaıyn baqylaýdy, elektr symdary men otyn júıesiniń jumysqa jaramdylyǵyn júıeli túrde tehnıkalyq baıqaýdan ótkizýdi, sondaı-aq kabınada órt sóndirgishtiń bolýy qajettigin usynady.
"Adyrna" ulttyq portaly
