Júzege asyrylýy 2021-2025 jyldarǵa josparlanǵan «Bilimdi ult, sapaly» sapaly bilim berý» ulttyq jobasy burynǵy Qazaqstan Respýblıkasy oqý-aǵartý mınıstri Ashat Aımaǵambetovtiń basshylyǵy tusynda qolǵa alynǵan bolatyn.
Ulttyq joba jalpy 4 negizgi baǵyt, 5 mindet, 15 kórsetkish hám 26 is-sharany qamtıdy. Bul ulttyq joba bilim berýdi damytý tujyrymdasymynyń aıasynda ázirlendi. Jobany júzege asyrý arqyly aýyl mektepterine, onyń ishinde tolyq jınaqtalǵan, tolyqqandy keshendi sanalatyn bilim oshaqtarynda jan basyna qarjylandyrý birte-birte iske qosylady, pedagogterdiń de eńbekaqysy ýaqyt kóshimen ilese ústemelene otyryp kóbeıýde.
Prezıdent Qasym-Jomart Toqaevtyń tapsyrmasyna sáıkes, memlekettik baǵdarlamalardan ulttyq jobaǵa kóshe otyryp, bilim sapasyna oń ózgeris ákelýdi kózdeıtin mundaı tetikterdiń qalyptasýy óte oryndy. Ulttyq jobany júzege asyrýda Ulytaý oblysynyń bilim oshaqtary da óz úlesterin qosýda.
«Bilimdi ult, sapaly» sapaly bilim berý» jobasynyń tıimdiligi týraly Ulytaý oblysyndaǵy bilim oshaqtary basshylarynyń pikirin bilgen bolatynbyz.
Dastan Baǵdatuly Ospanov, Ulytaý oblysy, Sátbaev qalasyndaǵy №7 jalpy orta bilim beretin orta mekteptiń dırektory:
– «Bilimdi ul» sapaly bilim berý» ulttyq josparynda erekshe bilim berýdi qajet etetin balalardy damytýdyń da tetikteri qarastyrylǵan. Mektebimizde erekshe bilim berýdi qajet etetin balalardy qoǵamǵa áleýmettendirý jumystary, túzetý jáne oqý-tárbıe jumystaryn uıymdastyrý jaqsy jolǵa qoıylǵan. Olarǵa psıhologııalyq-pedagogıkalyq qoldaý jáne onyń jeke tásilderi saralanyp, balanyń qyzyǵýshylyǵyna basymdylyq beretin izgilik qaǵıdasy basshylyqqa alynǵan. Olardy tabysty oqytý, tárbıeleý jáne áleýmettik beıimdeý maqsatynda mektepishilik «Biz birgemiz» jobasy bastaý aldy.
Bul joba – pedagogtardyń ózindik is-áreketterin taldaýǵa, jańa ıdeıalardy júzege asyrýda seniimdilik pen alǵa umtylýǵa septigin tıgizedi. Jalpy bilim beretin ortada oqýshyny tabysqa jeteleý úshin muǵalim – ýaqytty utymdy paıdalana alatyn, mindetterdi naqty anyqtaı biletin, kez-kelgen máseleni sheshýdiń ońtaıly joldaryn tez tabatyn, qoǵamǵa qyzmet etetin jáne osyǵan tolyq jaýapkershilikpen qaraıtyn kóshbasshy bolýy kerek.
Pedagog – eń aldymen, búkil oqý proesiniń motıvatory, ol oqýshylarǵa jańa aqparatty izdeýde baǵyt-baǵdar berýmen qosa, ony qabyldaý, óńdeý jáne ıgerý daǵdylaryn qalyptastyra bilýi qajet. Sondyqtan, bilim berý sapasyn arttyryp, tájirıbesi ozyq elderdiń deńgeıimen teńestirý – bizdiń basty mindet.
Ásem Dáýletbaıqyzy Alpysova, Ulytaý oblysy, Sátbaev qalasyndaǵy №27 jalpy bilim beretin orta mekteptiń dırektory:
– Birneshe baǵytty qamtyǵan «Bilimdi ult» sapaly bilim berý» jobasynyń tıimdi tusy jergilikti mektepterde úsh aýysymdy bilim berý júıesin túbegeıli joıyp, oryn tapshylyǵyn azaıtýǵa úles qosýda. Buryndary 1500 balaǵa arnalǵan mektepterde 2500-3000 myńǵa jýyq bala oqıtyn. Qazir salystyrmaly túrde alyp qarasaq, bul kórsetkish edáýir tómendedi.
Neǵurlym synypta bala tyǵyz bolsa, bilim meńgertýdiń de sonshalyq qıyn bolatyny bul jobada eskerilgen. Osy joba sheńberinde qolǵa alynǵan bastamanyń biri – «Muǵalim mártebesi» týraly zań. Buryndary artyq júktemeden, qaǵazbastylyqtan aryla almaǵan muǵalimderdiń pán boıynsha izdenýge, jańa ádispen sabaq meńgertýge múmkindigi az bolatyn. Qosymsha jumystar álbette muǵalimniń izdenisine kedergi jasaıtyn. Biz bul olqylyqtan da birte- birte arylyp kelemiz.
«Muǵalim – mekteptiń júregi» desek, myńdaǵan balaǵa bilim nárin sepken sol ulaǵatty jandardyń jalaqysyn ústemeleı kóterý de ustazdar qaýymynyń yntasyn oıatýda.
Mektebimizdegi synyptar qazirgi tańda pánder boıynsha arnaıy jabdyqtalǵan. Bilim alamyn, ǵylymǵa umtylamyn, ulttyq tilimizdi meńgerip, izdenemin degen oqýshylarǵa barynsha kóńil bólinip otyr. Bir sózben aıtqanda, «Bilimdi ult» sapaly bilim berý» jobasynyń 2025 jylǵa deıingi kózdegen mejesi tolyq júzege asar bolsa, Qazaqstannyń bilim salasy órkenıetti elderdiń bilim deńgeıine jeteri sózsiz.
Bilimdi urpaq - bolashaǵymyz. Ulytaý oblysynda 2023-2025 jyldar aralyǵynda "Jaıly mektep" ulttyq jobasy sheńberinde bir aýysymda 3600 oqýshy ornyn qamtıtyn 6 mektep salynady dep josparlanýda. Onyń úsheýi qalalyq jerde, úsheýi aýyldyq eldi mekenderde salynady.
Ulttyq joba sheńberinde josparlanyp otyrǵan mektepter bilim alýshylarǵa jaıly, qaýipsiz bolatyndaı biryńǵaı standartpen salynady. Sonymen qatar, bul mektepterdiń oqý-tárbıe úrdisine qajetti jabdyqtary, pándik kabınetteri, tehnıkalyq qurylǵylary men jıhazdary da tolyǵymen belgilengen qarajat arqyly jabdyqtalady.
"Jaıly mektep" ulttyq jobasynyń sheńberinde ashylatyn mektepterge dırektorlardy bekitýge de erekshe talap qoıylady. Dırektorlyqqa úmitkerler "Bilim berýdegi ózgerister kóshbasshylaryn irikteý jáne daıarlaý tártibine" sáıkes tańdalady. Qazirgi ýaqytta tártipke sáıkes irikteý týrlary júrgizilýde.
Ulttyq jobany iske asyrýshy biryńǵaı operator bolyp Samruk-Kazyna Construction kompanııasy belgilengen.
