Qarjy piramidasyn qūrǧan qariia jazasyn şartty türde öteidı, dep habarlaidy "Adyrna" tılşısı Kazinform-ǧa sıltep.
Atyrauda qarjy piramidasyn qūrǧan egde jastaǧy azamat 5 jylǧa sottaldy. Zeinet jasynda türmege toǧytylǧan qariia jazasyn şartty türde ötemek.
Atyrau oblystyq sotynyŋ baspasöz qyzmetı habarlaǧandai, asa ırı mölşerde aqşa qarjy piramidasyn qūrdy. Sottaluşyǧa QR Qylmystyq kodekstıŋ 217-babynyŋ 3-bölıgınıŋ 2-tarmaǧymen aiyp taǧylyp otyr.
Qariia atalǧan kompaniiaǧa 19 jäbırlenuşını şaqyrǧan. Olar 108 mln teŋgeden asqan qarjylyq zalal keltırıp otyr. Degenmen zeinetker tergeu barysynda 93 mln teŋge zalaldy toltyrǧan. Qalǧan summa şamamen 15 mln teŋge.«Sottaluşy T. Resei Federasiiasynyŋ azamaty D-nyŋ „The Finiko“ kompaniiasyn qūrǧanyn bılıp, bır top adammen aldyn ala söz bailasyp, oǧan qosyluǧa jäne kompaniia atynan äreket jasauǧa şeşım qabyldaǧan. Özınıŋ qylmystyq josparyn jüzege asyru maqsatynda äreketınıŋ zaŋsyzdyǧyn bıle tūra aqparattyq mehanizmdı ıske qosqan. Äleumettık jelı arqyly özıne jaqyn adamdar arasynan kompaniiaǧa salymşylardy tartuǧa baǧyttalǧan äreketın jüzege asyrǧan. Ol Qazaqstan Respublikasynyŋ aumaǧynda „The Finiko“ kompaniiasynyŋ halyqpen jūmys ısteu täjıribesı bar ekenıne köz jetkızıp, kompaniianyŋ qūrylymdyq bölımşesın basqaruǧa şeşım qabyldaǧan», — dep habarlady oblystyq sottyŋ baspasöz qyzmetı.
Ūqsas jaŋalyqtar
