Ashyq-ty asha almaıtyn qart adamdar azyq-túlik dúkenderi men dárihanalarǵa jeke kýálikpen kire alady, dep habarlaıdy “Adyrna” ulttyq portaly zakon.kz saıtyna silteme jasap.
Buǵan deıin BAQ-ta Ashyq qosymshasy joq keıbir qart adamdardyń azyq-túlik dúkenderine kire almaıtyny jazylǵan edi.
Almaty qalasynyń sanıtarlyq-epıdemıologııalyq baqylaý departamenti azyq-túlik dúkenderi men dárihanalarǵa Ashyq qosymshasy bolmasa, jeke kýálikpen kirýge bolatynyn habarlady.
Ashyq jobasyna qosylǵan nysandarǵa smartfondaǵy mobıldi qosymsha arqyly kirýge bolady, ol bolmaǵan jaǵdaıda nysan ókili jeke kýálik arqyly kelýshiniń mártebesin "qaraýyl" rejıminde skanerleıdi. Jeke kýáliktiń kómegimen qart adamdar Ashyq nysandaryna, onyń ishinde azyq-túlik dúkenderine, dárihanalarǵa jáne basqa jerlerge bara alady, delingen habarlamada.
Almatynyń sanıtarlyq dárigerleri osy áńgimeni aıta otyryp, qaladaǵy epıdemıologııalyq jaǵdaı kúrdelene túskenin qosa aıtyp úlgerdi: tamyzdyń sońǵy eki aptasynda koronavırýs juqtyrǵandardyń 22%-y egde jastaǵy adamdar ekenin eskertti olar.
